Flipkart Big Billion Days Sale Mein Smartphones Par Heavy Discount; Ye Hain Popular Smartphones Ke Gire Huye Daam

Flipkart ki Big Billion Days sale shuru hone mein kewal kal ka din hi baaki hai. 10th Of October se shuru hone waali is sale mein smartphones par kaafi bhaari discounts milne waale hain, jinke advertisements aap TV par in dinon dekh hi rahe honge.

10th October se 14th October tak chalne waali is Big Billion Days Sale 2018 mein jo smartphones aapko discounted price ke saath milne waale mein unmein Xiaomi, ASUS, Samsung, Honor, Vivo, etc. sabhi brands shaamil hain.

Aaiye bataate hain ki kaun se smartphones kis price par available honge, taaki aap sahi ko chun sakein.

Moto Z2 Force – Moto Z2 Force, February 2018 mein launch hua tha aur iski kimat 34,999 INR hai aur is sale ke dauraan is smartphone par 17,500 INR ka discount hoga. Is samay Flipkart par Moto Z2 Force ka price tag Rs. 17,499 hai.

Samsung S8 – Samsung ke is flagship smartphone par bhi is sale ke dauraan, heavy price cut dekhne ko milega. Is samay iski kimat 45,990 INR hai aur 10th October se Samsung S8 par Flipkart aapko 16,000 INR tak ka discount dene wala hai aur iski kimat hogi 29,990 INR.

Iske alawa Galaxy On6 jiski kimat is samay 13,490 INR hai, wo is sale mein 11,990 INR mein milega. Wahin 12,900 INR mein milne wala Galaxy On Nxt aapko is sale mein 9,990 INR mein milega. Galaxy J3 Pro ki kimat bhi lagbhag 2,000 INR kam ho jayegi.

ASUS Zenfone 5Z – ASUS ka flagship smartphone Zenfone 5Z, is samay 29,999 INR hai aur Big Billion Days Sale ke dauraan company is smartphone ka price 5,000 INR cut kar rahi hai aur aapke liye ye 24,999 INR mein available hoga.

Zenfone Max Pro M1, jo ki ek budget killer hai, uski kimat bhi is sale mein 2,000 INR kam hokar, 10,999 INR reh jayegi.

Xiaomi Mi MIX 2 – Is month mein Xiaomi MIX 3 launch karne jaa rahi hai aur shayad isi wajah se India mein Mi MIX 2 par itna heavy discount diya gaya hai. Flipkart ki is Big Billion Days Sale mein is smartphone ki kimat 22,999 INR hai, yaani ki 12,000 INR ka discount.

Iske alawa haal hi mein launch huye Redmi 6 par bhi 2,000 INR ka discount hai, Redmi Note 5 Pro par 2,000 INR ka price cut hai aur Redmi 5A bhi 1,000 INR ke discount ke saath milne waala hai.

Nokia 5.1 Plus and 6.1 Plus – Big Billion Days Sale mein Nokia 5.1 Plus ki kimat 13,199 INR se kam hokar 10,499 INR reh jayegi. Wahin Nokia 6.1 Plus ki kimat bhi 14,999 INR hogi, jabki is samay ye 17,600 INR mein available hai.

Honor 9N – Honor ke is budget smartphone ke 3GB+32GB aur 4GB+64GB version ki kimatein bhi 2,000 INR tak gira di gayi hain. Iske alawa Honor 10 par bhi 11,999 INR ka discount hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: