Flipkart Aur Amazon.in Par Shuru Ho Chuki Hai Mi Days Sale, Mil Raha Hai Rs 6500 Tak Discount

Xiaomi ki Mi Days Sale iss baar Flipkart aur Amazon.in par ek saath shuru ki gayi hai. Dono hi websites par alag alag phones ko sale mein rakha gaya hai. Amazon.in par aapko Rs 6500 tak off aur Rs 2000 tak ka exchange discount diya jaa raha hai, to wahin Flipkart par kuch selected phones par lowest price offer ki jaa rahi hai. Sale ke duraan aap Flipkart se Rs 199 mein complete mobile protection plan purchase kar sakte hain. Dono hi website par yeh sale 5th July  se le kar 9th July tak chalegi.

 

Amazon.In  Offers

Aura prism design aur 32MP selfie camera wala Redmi Y3 smartphone iss sale mein Rs 9,999 ki shuruaati keemat ke saath aapko milega. Exchange offers ke duaraan aapko iss phone par Rs 1,000 ka extra discount mil sakta hai. Redmi Y2 aur Redmi 6 Pro ka 3GB/32GB model Rs 8,999 mein aur 4GB/64GB model Rs 9,999 mein diya jaa raha hai. Mi A2 ke 4GB/64GB variant ko aap sale ke duraan Rs 10,999 mein purchase kar sakte hain, issi ke saath aapko iss phone par Rs 1,000 ka exchange discount bhi mil raha hai. Mi A2 ka 6GB/128GB variant Rs 15,999 mein offer kiya jaa raha hai, iss phone ko exchange offer ke saath khareedne par Rs 2,000 ka extra discount milega.

Redmi 6 smartphone ka 3GB/32GB variant Rs 6,999 aur 3GB/64GB variant Rs 7,499 mein khareeda jaa sakta hai. Iske alawa Redmi Note 5 Pro ka 6GB/64GB model Rs 11,999 mein milega. Smartphones ke alawa company Mi Smart TV par bhi Rs 7,000 ka off de rahi hai. Inn smartphones aur Smart TVs ke alawa Mi Band, Mi Wireless Bluetooth Headphones, Mi LED Smart Bulb bhi iss sale mein discounted price par offer kiye jaa rahe hain.

 

Flipkart Offers 

Xiaomi ke flagship smartphone Poco F1 ka base variant Rs 17,999 mein, mid variant Rs 20,999 mein aur top variant Rs 27,999 mein milega. Iske alawa base variant par Rs 1,000 ka exchange discount, mid variant par Rs 2,000 ka exchange discount aur top variant par Rs 3,000 ka exchange discount bhi aapko milega. 48MP primary camera wala Redmi Note 7S smartphone iss sale mein Rs 10,999 ki starting price ke saath milega. Iss phone par Rs 1,000 ka extra exchange off bhi aapko mil raha hai.

Redmi Go smartphone ka 1GB/8GB variant iss sale mein Rs 4,499 mein aur 1GB/16GB variant Rs 4,799 mein diya jaa raha hai. Kuch samay pehle hi launch kiye gaye smartphone Redmi Note 7 Pro ke 6GB/128GB wale variant ko iss sale ke duaraan aap kabhi bhi purchase kar sakte hain, wahin iske 4GB/64GB wale variant ko flash open sale ke duaraan khareeda jaa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: