Flip Camera Wala Smartphone Asus Zenfone 6 Jaldi Hi Hoga India Mein Launch, Company Ne Reveal Kiya Teaser

Last week Asus ne apne flagship smartphone Asus Zenfone 6 ko launch kiya hai. Yeh phone apne flip camera mechanism ko le kar kaafi charcha mein hai. Ab company iss phone ko jaldi hi India mein launch karne ki taiyari mein lagi huyi hai. Phone ki launching ko le kar Flipkart par ek page show kiya gaya hai jahaan Coming soon to India mention hai. Haalnki abhi tak phone ki launch date ko company ne reveal nahi kiya hai. Lekin show ho rahe page se yeh expect kiya jaa sakta hai ki yeh phone Flipkart Exclusive ho sakta hai.

Kisi bhi tarah ki notch ya punch hole iss phone mein nahi di gayi hai jis se yeh phone kaafi kam bezels ke saath aata hai. Iss phone mein aapko 6.43 inch ki full HD+ nano edge display di gayi hai. Phone ka screen to body ratio 92% milta hai. Phone ke rear panel par corning gorilla glass 3 aur front panel par corning gorilla glass 6 ko use kiya gaya hai. Yeh phone Qualcomm ke latest chipset Snapdragon 855 ke saath aata hai.

 

Phone mein dual rear camera milta hai jo 48MP+13MP  ke pair mein aata hai. 48MP ka camera Sony IMX586 sensor ke saath diya gaya hai aur 13MP ka secondary camera 125° ultra wide angle lens ke saath aata hai. Selfie lete samay yahi camera flip ho kar front facing camera ban jaata hai. Iss phone mein 5000mAh ki battery milti hai jo ki Quick Charge 4 fast charging ke saath aati hai. Iss phone ko company ne Spain mein € 499  (~Rs 39,100)  shuruaati price par launch kiya hai. Ab India mein launch hone ke baad iss phone ki Indian market price humein pata chalegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: