Five Rear Cameras Ke Saath Finally Announce Hua Nokia 9 PureView: Top Features & Price Yahaan Jaanein

Nokia 9 Pureview, is smartphone ke rumors last years se hi aane shuru ho gaye the aur aaj hazaaron leaks ke baad, company ne finally Nokia 9 PureView ko MWC 2019 mein launch kar hi diya hai. Jaisa ki aap jaante hi honge, Nokia 9 PureView, World ka first smartphone hai, jo penta cameras, yaani ki five rear cameras ke saath aaya hai.

Nokia 9 PureView mein 12 MP ke five rear cameras hain, jinmein se 2 RGB hain aur other two monochrome lens hain. Saath hi ye five cameras HDR images lene ke liye ek saath kaam karte hain,aur 12.4 stops of dynamic range aur 12 MP in-depth scene ke saath 12 MP ka ek photo taiyaar hota hai, jismein aapko amazing range aur depth of field milti hai.

Company ye according, ye cameras, burst mode ke saath 60 MP tak ke shots le sakte hain. Isi ke saath Nokia 9 PureView ke camera mein kuch aise features bhi hain, jo image ko RAW yaani ki DNG format mein click karte hain aur directly phone mein pehle se moujood Adobe Lightroom app se edit karte hain. Saath hi editing ke liye Native white and black photography feature bhi hai.

HMD global ke according, “ye five cameras apni apni taraf se aapko outstanding details dete hain, saath hi depth map aapko amazing portrait shots offer karta hai. Sabhi cameras bright sunlight aur low-light situations mein aapko kaafi achhi photos aur incredible textures dete hain. Iske alawa portrait mode mein li gayi photos ka Google Photos mein focus bhi adjust kar sakte hain.

Ab other specs ki baat karein to, Nokia 9 PureView mein without any notch 5.99 inch ki Quad HD pOLED display, HDR 10 support ke saath milti hai. Ismein aapko last year ka Qualcomm Snapdragon 845 chipset diya gaya hai. Saath hi 6GB ki RAM aur 128GB ki UFS storage di gayi hai.

Iske alawa 20 MP ka front camera aapko yahaan par mil jaata hai aur in-display fingerprint scanner ke saath aane waala ye Nokia ka first phone bhi hai. Ismein aapko 3320mAh ki battery, fast charging support ke saath milti hai.

Nokia 9 PureView bhi ek Android One handset hai, jismein aapko Android 9.0 Pie OS dekhne ko milega. Wahin ismein dual SIM support ke saath dual 4G VoLTE bhi diya gaya hai. Ismein water resistant ke liye IP67 certification aur wireless charging support bhi moujood hai.

Is flagship smartphone ki cost 699 US Dollars hai, (approx. 49,500 INR). Filhaal kuch selected markets mein ye handset March se available hoga, jabki iske India launch ke baare mein abhi kuch nahin kaha jaa sakta .

Jaise ki ye ek flagship smartphone hai, ismein full screen nahin milti hai, top and bottom bezels kaafi thick hain. Iske alawa ismein last year ka chipset diya gaya hai, jabki flagship smartphone mein ab SD 855 hi expect kiya jaata hai. Wahin is smartphone mein aapko storage option bhi ek hi milta hai. Lekin wahin penta cameras, display aur build quality is handset ki achhi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: