Five Cameras Ke Saath Aaya LG V40 ThinQ: Jaanein Iske Unique Cameras Ke Baare Mein

LG ne aaj apna flagship smartphone V40 ThinQ launch kiya hai. Jaisa ki aap jaante hi honge ki is smartphone ko five cameras ke saath launch kiya gaya hai, jinmein se three rear cameras hain aur two front mein moujood hain. Is handset mein company ne unique triple rear camera setup diya hai.

Triple Rear Cameras

LG ThinQ ek premium smartphone hai, aur saath hi ismein diye gaye sabhi cameras aapko har tarah se achhi images provide kar sakte hain. Ismein 12 MP ka standard angle camera hai jo aapko f/1.5 aperture aur 78 degree wide angle lens ke saath milta hai. Doosra 16 MP shooter, 107 degree ultra wide lens aur f/1.9 aperture ke saath fit kiya gaya hai, ise aap LG ka signature wide angle camera bhi keh sakte hain, jo pehle bhi kuch handsets mein aaya hai. Third 12 MP rear camera, telephoto lens, 2x optical zoom aur f/2.4 aperture ke saath diya gaya hai.

Isi tarah LG V40 ThinQ world ka first smartphone bhi hai, jo aapko ultra wide angle click aur zoom in shot, dono tarah ki pictures offer karta hai. Iske alawa V40 ThinQ, LG ka first smartphone hai, jiske camera mein dual pixel autofocus feature hai.

LG ke pichle flagships V35 aur G7 ke mukaable, V40 ThinQ mein low-light performance ko enhance karne ke liye brighter f/1.5 lens aur OIS jaise features bhi diye gaye hain. Iske alawa sabhi rear cameras mein video recording ke liye digital image stabilization aur HDR mode bhi diye gaye hain.

Saath hi LG ke is smartphone ke sabhi rear cameras se aap ek saath ek click bhi kar sakte hain, aur uske baad unmein se best ko pick karke, ek image ya GIF ya small video banaayi jaa sakti hai. Is feature ko company ne ‘Triple Preview feature’ ka naam diya hai.

Dual Front cameras

Ab baat karte hain, front camera ki, V40 ThinQ mein 8 MP ka standard camera hai jo portrait mode ke saath diya hai aur ismein aapko on-screen sloder bhi milta hai, jisse aap background ko blurr karne ka amount set kar sakte hain. Saath hi ismein auto-focus ke liye dual PDAF diya gaya hai, jo predecessor ke according 50% faster hai. Ismein enhanced HDR aur AI mode bhi hai.

Other features

V40 ThinQ mein 6.4 inch ki Quad HD+ OLED display hai jo 19.5:9 aspect ratio ke saath aayegi. Power dene ke liye Snapdragon 845 chipset hai aur 6GB ki RAM ke saath 64GB / 128GB internal memory options diye gaye hain. Filhaal is smartphone ko Android 8.1 Oreo ke saath launch kiya gaya hai, lekin jaldi hi ismein Android 9.0 Pie update bhi mil jayega.

V40 ThinQ mein 3300mAh ki battery hai aur ye kaafi lightweight smartphone hai. Saath hi ismein rear mounted fingerprint scanner hai. IP68 aur MIL-STD 810G certification ke saath ye dust aur water resistant bhi hai aur military grade durability ke saath aata hai.

USA mein is handset ki kimat lagbhag 70,000 INR se start hoti hai, lekin India mein ye kab launch hoga, ye abhi kaha nahin jaa sakta.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: