First Vivo Z-Series Smartphone Jaldi Hi Hoga India Mein Launch; Xiaomi, Realme Phones Ko Karega Compete

Vivo ki affordable Y-series ke , Y15, Y17 aur Vivo Y12 ke baad, company ab nayi Vivo Z-series lekar aane waali hai aur expect kiya jaa raha hai ki ismein aapko affordable smartphones milenge, jo ki Xiaomi aur Realme ke budget phones se compete karte nazar aayenge.

India Today ke kuch sources ke through, ye khabar saamne aayi hai ki Vivo apni nayi Z-series ko jaldi hi India mein launch karne jaa rahi hai. Bataaya gaya hai ki ye phone June ya July mein launch kiya jaa sakta hai.

Saath hi khabar ye bhi hai ki Vivo ki is Z-series ke first phone mein humein Snapdragon 700 series ka koi chipset mil sakta hai aur most likely ye chipset Snapdragon 712 hoga, jo ki isi year mein Qualcomm ne launch kiya hai. Snapdragon 712 chipset, last year saamne aaye Snapdragon 710 ka successor hai aur company ke according, isse 20% faster performance aapko deta hai.

Agar aisa ho jaata hai to Vivo Z-series ka ye upcoming smartphone, Redmi Note 7 Pro, jo ki Snapdragon 675 ke saath aaya hai aur jaldi hi India mein Snapdragon 710 ke saath aane waale upcoming Realme X ka achha competitor hoga.

Halaanki is khabar ko lekar company ki taraf se abhi tak koi information nahin hai. Lekin itna kaha jaa raha hai ki company is smartphone ke saath budget segment mein products launch karne waale Xiaomi aur Realme se compete karti nazar aayegi. Halaanki Vivo ki Y-series bhi affordable hai, lekin ye offline market mein moujood hai, jabki Vivo Z-series ke saath company apni online presence badhaayegi.

 

Source

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: