First Smartphone With Four Rear Cameras, Samsung Galaxy A9 (2018) Ki India Price Reveal Hui, Isi Month Launch Hone Ki Ummid

Jaise ki aap hamaare upcoming smartphones in November article mein jaan hi chuke hain, ki Samsung Galaxy A9 (2018) jaldi hi launch ho sakta hai. Lekin ab ye khabar expected nahin, balki confirm hi hoti jaa rahi hai. Four rear cameras ke saath aane waala world ka first smartphone, ab India mein jaldi hi aane wala hai. Ye khabar Samsung India ki official website par dikhe source code ke through saamne aayi hai.

Is samay ye smartphone kewal 6GB RAM aur 128GB internal memory version mein saamne aaya hai aur yahi nahin, iski pricing details bhi leak ho chuki hai. Samsung Galaxy A9 (2018) India mein 39,000 INR ki kimat par launch kiya jayega.

Aaiye phir ek baar aapko yaad dilate hain, Galaxy A9 (2018) ke specs.

Ismein 6.3 inch ki inch ki full HD+ Super AMOLED Infinity display hai. Ye dual SIM smartphone latest Qualcomm mid-range chipset, Snapdragon 710 ke saath aayega aur Adreno 616 GPU diya gaya hai.

Ismein 24+10+8+5 MP ke four rear cameras hain, jabki front par bhi 24 MP ka sensor diya gaya hai. Iski battery capacity 3800mAh ki hai, jo fast charging support ke saath aayegi. Android 8.1 Oreo software ke saath ismein rear mounted fingerprint scanner bhi hai.

Isse pehle Galaxy A9 (2018) Malaysia mein launch kiya gaya tha aur iski kimat 599 Euros (lagbhag 51,000 INR) bataayi gayi thi. India aur Malaysia ke alawa ye handset Russia, UK, US aur Europe mein bhi November 2018 month se hi available hoga.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: