Finally Huawei Mate 20 Pro Coming To India; Here Is The Launch Date

Huawei ke premium Mate 20 Pro smartphone ka intezaar India mein kaafi samay se ho raha hai aur iske India launch ke rumors bhi continuously aa rahe hain. Lekin aaj Huawei ne ek Tweet ke zariye officially announce kar diya hai ki Mate 20 Pro India mein launch hone jaa raha hai.

Huawei Mate 20 Pro ka India launch 27th November ko hoga. Halaanki is series ke baaki smartphones India mein aayenge yaa nahin, ye abhi kaha nahin jaa sakta.

Mate 20 Pro, ek premium smartphone hai, jismein aapko triple rear cameras milte hain. Saath hi Mate 20 RS Porsche Design edition bhi India mein launch kiya jayega. In dono smartphones ko launch karne ke liye company ne Amazon India se partnership bhi ki hai.

Iske launch ke saath, company ne ek question answer quiz bhi yahaan par aapko diya hai. Huawei ne ek picture Tweet ki hai jismein likha hai, “which 3 features of Huawei Mate 20 Pro do you findteh most exciting? Is sawaal ka jawaab dene waale fans is smartphone ke launch ke invites aur Goodies jeet sakte hain.

Specs par nazar daalein to, Huawei Mate 20 Pro mein 6.39 inch ki QHD+ OLED HDR display milti hai aur ye smartphone Huawei Kirin 980 chipset par chalta hai. Ismein aapko two storage options milne waale hain, jismein 8GB RAM ke saath 256GB ROM aur 6GB RAM ke saath 128GB storage options shaamil hain.

Iske alawa Mate 20 Pro mein 40+20+8 MP ke triple rear cameras hain, jabki front camera 24 MP ka hai. Iske alawa ismein in-display fingerprint sensor, 3D face unlock, aur dual 4G VoLTE support bhi milta hai.

Is handset mein aapko Android 9.0 Pie OS milega, saath hi 4200mAh ki battery 40W SuperCharge aur 15W Wireless Quick Charge support ke saath aayegi.

Mate 20 Pro ka India price to abhi nahi aaya hai, lekin Europe market mein iski price 1049 Euros hain, yaani ki lagbhag 90,000 INR.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: