Finally! Honor 8X 19.5:9 Display Aur AI Cameras Ke Saath India Mein Launch Hua

Hello ! Finally, India mein aaj Huawei ke sub-brand Honor ne Honor 8X launch kar diya hai, jiska sabhi ko intezaar tha. Is smartphone ko four color options mein reveal kiya gaya hai, jismein Black, Blue, Red aur Purple shaamil hain. Honor 8X ki sale 24th October se start hogi au rise aap kewal Amazon.in se purchase kar sakte hain.

Aaiye aapko iske specs ke baare mein thoda detail se bataate hain-

Honor 8X mein 6.5 inch ki full HD+ display di gayi hai jo 19.5:9 aspect ratio ke saath aayegi aur isi ke saath yahaan aapko 90% se jyada scree-to-body-ratio milta hai. Ye smartphone company ke apne HiSilicon Kirin 710 processor par chalega aur saath hi ARM Mali-G6 GPU diya gaya hai. Saath hi graphics ko enhance karne ke liye company ne apni GPU Turbo technology ka bhi istemaal kiya hai.

Iske alawa iski battery capacity 3750mAh ki hai jo aapko fast charging support ke saath milti hai. Ismein microSD card slot ke through aap memory ko 512GB tak extend kar sakte hain.

Jaisa ki aap jaante hi hain, ki aajkal handsets mein AI technology ka kitna trend hai. Honor 8X mein bhi aapko AI enabled cameras milte hain. Ismein 20 MP ka primary rear camera aur 2 MP ka secondary rear camera moujood hai. Ye cameras aapko AI mode ke saath milte hain. Iske alawa iska front camera 16 MP ka hai, jo boekh effect ke saath aata hai.

Honor 8X ko bhi Android 8.0 Oreo OS ke saath hi launch kiya gaya hai.

Honor 8X mein aapko three variants milte hain aur unki pricing detail aap neeche dekh sakte hain –

  • 4GB RAM + 64GB internal storage – 14,999 INR
  • 6GB RAM + 64GB internal storage – 16,999 INR
  • 6GB RAM + 128GB internal storage – 18,999 INR

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: