February Mein Launch Kiye Gaye Smartphone Redmi Note 7 Ki Sale Jaldi Hi Hogi Band, Redmi Note 7S Se Hoga Replace

Xiaomi ne kal Note series ke ek aur smartphone Redmi Note 7S ko India mein launch kar diya hai. Iss phone mein 48MP ka camera diya gaya hai jo ki iski highlight hai. Ab company iss phone ko Redmi Note 7 se replace karne jaa rahi hai. Iss phone ko company ne February 2019 mein India mein launch kiya tha. Jaldi iss phone ki sale ko India ke andar band kar diya jaayega. Haalanki iski sale poori tarah se kab band hogi, iski jaanakri company ne abhi nahi di hai.

 

Iss information ko Xiaomi India ke Product PR Yash Garg ne apne twitter handle ke through share kiya hai. Iss news se wah sabhi user thoda disappoint ho sakte hain ho Redmi Note 7 ko purchase karne wale the. Lekin dusri taraf sirf Rs 1,000 extra dene par unhe behtar camera bhi mil raha hai. Camera specs ke alawa dono phones mein koi bhi difference nahi diya gaya hai. Redmi Note 7 mein aapko 12MP+2MP ka AI dual rear camera diya gaya tha, wahin Redmi Note 7S mein 48MP+5MP ka AI dual rear camera setup milta hai. Dono hi phone mein 13MP ka front facing camera diya gaya hai.

 

Iss phone ko India mein continue na karne ka koi bhi particular reason company ne nahi diya hai. Redmi Note 7s ki sale 23rd May ko mi.com aur Flipkart par start hogi.  Iss phone mein Qualcomm Snapdragon 660 AIE processor diya gaya hai. Yeh phone 4000mAh ki battery ke saath aata hai jo ki Quick charge 4.0 ko support karti hai. Iss phone ke 3GB/32GB variant ki price Rs 10,999 aur 4GB/64GB variant ki price Rs 12,999 rakhi gayi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: