February Mein Launch Hoga Redmi Note 7 Pro; Image Aur Expected Price Reveal Hua

Redmi Note 7 ke successful launch ke baad, Redmi apne naye smartphone aur Redmi Note 7 ke more powerful version, Redmi Note 7 Pro ke launch ki planning kar rahi hai. Is smartphone ke launch ki announcement company pehle hi kar chuki thi. Saath hi ismein improved camera ki baat bhi confirm ho chuki hai.

Redmi Note 7 Pro February mein kisi bhi samay launch ho sakta hai. Ismein bhi aapko 48 MP ka primary camera hi milne wala hai, lekin is baar ye Sony IMX586 sensor ke saath aayega aur Weibo par ek image ke zariye ye khabar confirm bhi ho chuki hai, jise aap upar dekh sakte hain. Jabki Redmi Note 7 mein aapko 48 MP camera ke saath Samsung ISOCELL sensor diya gaya hai.

ALSO READ: Redmi Note 7, 48 MP Camera Aur Waterdrop Notch Ke Saath Launch Hua

Iske alawa ek aur khabar ye bhi hai ki Redmi Note 7 Pro mein Snapdragon 675 chipset milne wala hai, jo ki mid-range chipset Snapdragon 710 se jyada powerful hai. Ismein company ne cost effective 11nm process use kiya hai. Ise bhi waterdrop notch display aur Android 9.0 Pie par based MIUI 10 ke saath hi launch kiya jayega.

Well, ab us part ki baat karte hain, jiska intezaar sabse jyada hota hai, yaani ki pricing details. Maana jaa raha hai ki Redmi Note 7 Pro ki price 1,399 se 1,499 yuan ke beech hogi, yaani ki lagbhag 14,500 INR se 16,000 INR ke beech hogi.

ALSO READ: Redmi Ab Hoga Separate Brand, Xiaomi CEO Ne Kiya Confirm

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: