48MP Camera Ke Saath FCC Certification Website Par Leak Hua Mi A3

Xiaomi ke Android One Smartphone Mi A3 ki leaks humein kaafi samay se dekhne ko mil rahi hain. Issi week mein Xiaomi ne China mein apni  ek aur nayi series Mi CC9 ko introduce kiya tha. Maana jaa raha hai ki company China ke bahar iss series ko Mi A3 ke naam se launch kar sakti hai. Iske alawa iss phone ko electronic equipment certification website  FCC par M1906F9SH model number ke saath dekha gaya hai. Saath hi same number IMDA Singapore ki website par bhi show hua hai. 

 

Yeh model number Mi CC9e ke model number se kaafi match karta hai, jahaan sirf last letter C ka difference dikhai de raha hai. Certification website FCC par jyada details ko disclose nahi kiya gaya hai, lekin phone ke rear panel design aur dimension ko mention kiya gaya hai. Iske alawa rear par camera slot cut bhi dikhai de raha hai, jiske neeche 48MP AI camera likha hua hai, jis se expect kiya jaa sakta hai ki phone mein primary camera 48MP ka dekhne ko mil sakta hai.

Inn sabhi details ke alawa saamne aayi leaks mein jyada jaankari di gayi hai. Wahin agar baat karein Mi CC9e smartphone ke specs ki to, iss phone mein humein 6.01 inch ki HD+ tear drop notch display di gayi hai, jo ki corning gorilla glass 5 protection ke saath aati hai. Iss phone mein 48MP+8MP+2MP ka rear triple camera setup aur 32MP ka front facing camera milta hai. Agar company Mi CC9e smartphone ko Mi A3 ke naam se launch karti hai, to humien Mi A3 mein same specs dekhne ko mil sakte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: