FaceBook Ne Bhi Diya Huawei Ko Jhatka, Upcoming Huawei Phones Mein Pre-installed Nahin Milengi Ye Apps

Smartphone company Huawei ki problems khatam hoti nazar nahi aa rahi hain. Haal hi mein Facebook ne Huawei ko apne phone mein pre-install Facebook app dene se mana kar diya hai. Facebook ke alawa Whatsapp aur Instagram apps bhi aapko aane wale Huawei ke phones mein dekhne ko nahi milenge. Haalanki abhi tak Huawei ne iss par koi reaction nahi diya hai.

Facebook ke dwara liya gaya yeh step Huawei ke smartphone ki sale ko affect kar sakta hai. Kuch samay pehle Google ki taraf se Huawei ka licences cancel kar diya gaya tha, jiske chalte aane wale Huawei ke smartphones mein Android operating system dekhne ko nahi milega. Iske alawa US ki taraf se ban hone ke baad America mein manufacture ho rahe parts ko bhi ab company purchase nahi kar paayegi.

 

Facebook ki taraf se iss baat ki announcement abhi taki nahi ki gayi hai ki yeh ban kab se apply hoga. Pre-install na milene ke bawjood users Facebook aur baaki apps ko download kar ke use kar sakenge. Reuters ki taraf se aayi news mein bataya gaya hai ki jin Huawei ke phones mein Facebook install hai, unhe users use bhi kar sakenge aur unhe updates bhi milte rahenge. Last year Huawei ka revenue baaki smartphones companies ke compare mein kaafi acha raha tha. Lekin inn sabhi problem ke chalte company ko kaafi bada jhataka lag sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: