Facebook CEO ne Reveal Kiye WhatsApp Par Aane Waale 3 Naye Features

Ek taraf WhatsApp privacy policy ko lekar Government se ladaai lad raha hai. Wahin aaj doosri taraf Facebook CEO Mark Zuckerberg ne WhatsApp par kuch naye features ko add-on karne ki announcement kar di hai. Is baar company ki taraf se official information aayi hai ki WhatsApp mein jaldi hi Multi-device support, disappearing mode aur View Once jaise feature aane waale hain.

Halaanki Wabetainfo WhatsApp se related updates ko aksar track karta hai aur users ko inform karta hai ki is tarah ka update aane waala hai. Lekin is baar Wabetainfo ke reporta ke according, unhone WhatsApp CEO Will Cathcart aur Mark Zuckerberg ko seedhe approach kiya aur unse hi aane waale updates ke baare mein jaankaari maangi. Itna hi nahin Disappearing Mode, Multi-device support features ki ek jhalak bhi beta updates ke dauraan dekhne ko mili hai.

Isse pehle bhi WaBetainfo ne ye information di thi ki WhatsApp kuch is tarah ka feature laane waala hai jisse user apne WhatsApp account ko ek hi samay mein kayi devices par use kar sakein.

WhatsApp New feature

Multi-device support

Zuckerberg ne khud ye bataaya hai ki jaldi hi WhatsApp par is naye feature ke saath users apne WhatsApp account ko different devices par use kar sakte hain. Iske liye active internet connection ki bhi zaroorat nahin hogi. Saath hi unhone bataaya ki users ke messages ya other content ko different devices par properly sync kar paana ek bada challenge tha jiska solution ap unhein mil gaya hai aur is Multi-device support feature ko jaldi hi roll out kiya jayega.

Ye feature public beta par 2 months mein roll out kiye jayenge aur multi-device support feature mein aap apne account ke saath 4 devices link kar sakte hain.

Disappearing Mode

WhatsApp par pehle bhi jab hum kisi particular message ko delete karte hain to wo disappear ho jata hai. Lekin is features ke saath jab aap Disappearing Mode ko ‘On’ karenge to sabhi chat threads mein ye on ho jayega aur message send karne ke kuch waqt baad hi apne aap disappear ya delete hote jayenge.

View Once

View Once mode bhi Disappearing mode se jyada alag nahin hai. Is mode ko ‘On’ karne ke baad recipient ke ek baar message dekh lene ke baad wo message delete ho jayenge.

In features ko lekar official announcement to company ne kar di hai. Lekin multi-device support ke alawa ye 2 features kab roll out honge filhaal inki koi news nahin hai. Halaanki company ne in features ke liye ‘Coming Soon’ kaha hai.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: