Face Unlock Feature Aur 5.71 Inch Ki Screen Ke Saath Launch Hua Honor 8S

Huawei ke sub-brand Honor ne bina kisi badi announcement ke Russia mein Honor 8S smartphone ko launch kar diya hai. Yeh ek budget phone hai jismein aapko dual camera to nahi milta hai lekin face unlock ka option mil jaata hai. Iss phone mein aapko Black, Blue aur Gold color option mil jaate hain.

 

Iss phone mein company ne 5.71 inch ki HD+ display di hai jo ki curved glass ke saath aati hai. Honor 8S mein screen ka aspect ratio 19:9 milta hai. Phone ko power dene ke liye company ne ismein 2GHz Quad -Core MediaTek Helio A22 chipset ka use kiya hai jo IMG POWER VR GE-class GPU ke saath aata hai.

Honor 8S mein 13MP ka single rear camera diya hai saath hi front facing camera 5MP ka milta hai. Iss phone mein EMUI 9.0 based Android 9.0 Pie operating system dekhne ko milta hai. Iss phone ko company ne single storage variant mein announce kiya hai jahaan 2GB RAM ke saath 32GB ki internal storage dekhne ko milti hai.

 

Connectivity option mein aapko iss phone mein dual 4G VOLTE, Wi-Fi 802.11 b/g/n, bluetooth 4.2, GPS/GLONASS ka option bhi mil jaata hai. Inn sab ke alawa phone mein 3.5mm headphone jack bhi diya gaya hai. Yeh phone 3020mAh ki battery ke saath aata hai. Russia mein iss phone ko 8,490 Rubles (~Rs 9,100) ki price par launch kiya gaya hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: