Exynos 980 5G integrated Chipset Ke Saath World Ka First Smartphone Aaj Announce Hua

Vivo ne aaj Exynos 980 5G integrated chipset ke saath apna latest smartphone Vivo X30 announce kar diya hai. Is handset ko introduce karne ke liye Samsung aur Vivo ne collaborate kiya hai. Is handset ki announcement aaj company ne kar to di hai, lekin iska launch December 2019 mein hoga, aisa Vivo ne confirm kiya hai.

Exynos 980 chipset aur dual-mode 5G connectivity ke saath launch hone waala ye first smartphone hoga. Saath hi Vivo X30 mein diye gaye is chipset mein first time Cortex A-77 cores use ho rahe hain. Ye handset extremely smooth gaming experience deliver karega. Ismein Mali-G76 M5 high-end GPU aur Vivo ki Multi-Turbo technology bhi hogi.

Iske naam se aap samajh hi gaye honge ki ismein alag se 5G modem ki zaroorat nahin hai aur ismein 5G chip already integrated hai. Exynos 980 5G integrated chipset 2.55 Gbps tak ki download speed tak pahunch sakta hai. 4G – 5G dual connectivity ke saath is chipset ke saath aane waale phone 3.55Gbps ki download speed easily reach kar sakte hain.

Is chipset mein Wi-Fi 6 support aur 108MP ke saath 5 rear cameras support bhi hoga.

Iske alawa agar Vivo X30 ke specs ki baat karein, to rumors ke according ismein 6.5 inch ki AMOLED display hogi, jo ki 90Hz refresh rate ke saath aayegi. Wahin 8GB RAM ke saath 256GB tak ki UFS 2.1 Storage ho sakti hai aur 4500mAh ki battery aapko 30W fast charging support ke saath mil sakti hai. Isi ke saath ismein ek high-end variant Vivo X30 Pro bhi launch ho sakta hai, jismein 6.89 inch ki display, 12GB tak ki RAM aur 40W fast charging support aane ki khabar hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: