Exclusive: Realme 2 Pro Box Ki Images Leak Hui: 27th September Ko Launch Hone Waala Hai Ye Smartphone

Realme 2 ke specs ko lekar bhale hi fans ke beech niraasha thi, lekin uske kuch hi ghanton baat Realme 2 Pro ke launch ki announcement sunkar, wahi fans kaafi excited the. Jaisa ki aap jaante hi hain, ki Realme 2 Pro ka launch ab kaafi kareeb hai aur kuch specs saamne bhi aa chuke hain. Lekin kya aapne dekha hai ki Realme 2 Pro aapko kaise packaging ya box mein milne waala hai ?

Nahi dekha ?  Aaiye hum aapko dikhaate hain, Realme 2 Pro box ki first exclusive images, jo aapne ab tak kahin nahin dekhi hongi.

Well, box images to aap upar dekh hi chuke hain, aaiye thoda jaante hain, is smartphone ke baare mein. Realme 2 Pro, Realme 2 ka successor hai, jo ki last month launch kiya gaya tha. Aur Realme 2, Realme 1 successor tha, jo ki kaafi successful smartphone raha, aur logon ko behad pasand aaya tha, kyunki usmein affordable range mein lagbhag sabhi powerful features diye gaye the, kami thi, to kewal notch display aur dual rear cameras ki.

Logon ko ummid thi, ki Realme 2 mein company in kamiyon ko poora karegi, lekin ye smartphone kewal kehne ko hi successor tha, jabki ismein specs aur gira diye gaye. Halaanki ismein notch bhi aaya aur dual rear cameras bhi. Lekin full HD+ ki jagah, HD+ display di gayi aur processor bhi Snapdragon 450 mila. Is smartphone ne sabhi Realme fans ko niraash kiya, jise dekhte huye, company ne Realme 2 Pro announce kiya.

Aur ab is smartphone se logon ko ye ummid hai ki, Realme 2 Pro affordable segment mein best hoga aur iski kimat 10,000 INR se 17,000 INR ke beech hogi. Ye to confirm ho hi chuka hai, ki ismein Octa Core Snapdragon 660 chipset diya jayega aur saath hi notch display hogi. Iske alawa aapko ismein badi battery aur dual rear cameras bhi milenge.

Saath hi launch ke nazdeek aate aate, others features ke leaks bhi saamne aane ki ummid hai, jinka aapko aur humko besabri se intezaar hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: