European Market Mein Launch Hua Nokia 8.1, Jaaniye Kya Hai Specifications Aur Khaas Iss Phone Mein

HMD Global ne Wednesday ko Dubai mein organized ek event mein apne flagship phone Nokia 8.1 ko finally launch kar diya hai. Kuch time  pehle yeh phone China mein Nokia X7 ke name tag ke saath launch kiya jaa chuka hai. Phone ka design haal hi mein launch huye phone Nokia 7.1 aur Nokia 6.1 Plus se kaafi match karta hua hai. Aaiye jaante hain phone ke specification aur price details ke baare mein.

Sabse pehle phone ke hardware ki baat ki jaaye to iss phone mein Octa core Qualcomm Snapdragon 710 chipset diya gaya hai. Phone mein 6.18 inch ki FHD+ pure display di gayi hai jo ki HDR10 ko support karti hai. Iss phone mein screen ka aspect ratio 18.7:9 diya gaya hai. Nokia 8.1 ki display ko pehle se kaafi behtar banaya gaya hai jismein aapko 500 nits level brightness dekhne ko milegi aur saath hi ek wide notch bhi dekhne ko milegi. Phone ke storage capacity ki baat ki jaaye to yahan apako 4GB RAM ke saath 64GB internal storage ka option diya gaya hai. Phone ki storage ko aap microSD card ki help se 400GB expand kar sakte hain.

Nokia 8.1 mein dual vertical rear camera setup diya gaya hai, jo ki dual LED flash ke saath aata hai. Phone mein 12MP ka primary camera aur 13MP ka secondary camera diya hai, jo ki behtar depth sensing performance ke liye design kiya hai. Yeh camera ZEISS lens ke saath aata hai. Iske alawa phone ke front facing camera ki baat karein 20 MP ka front shooting camera aapko yahan diya gaya hai.

Design aur look ki baat ki jaaye to phone ko 6000 series aluminum body se banaya gaya hai, jaha phone ki side edges ko diamond cut diya gaya hai. Phone mein 3500mAh ki battery di gayi hai jo ki 18W ki fast charging ko support karti hai. Company ne bataya hai ki yeh 3500mAh ki battery 22 hours ka talk time  aur 24 days ka stand by time provide karegi. Nokia ki taraf se aane wala yeh Android One powered phone hai, isliye iss phone mein aapko Android ka latest version Android Pie dekhne ko milega.

Connectivity ki baat ki jaaye to phone mein Wi-Fi-, Bluetooth, 4G VOLTE, GPS, 3.5mm headphone jack ka option mil jata hai. Iske alawa fast charging ke liye phone mein USB type-c port diya gaya hai. Phone ke rear panel par aapko finger print sensor ke liye cut-out diya gaya hai. Company ne bataya ki yeh phone Google ARCore support ke saath launch kiya gaya hai. Iss phone ko 5 color variants mein launch kiya gaya hai jaha aapko blue, sliver, steel, copper aur iron color ka option mil jaata hai.

European market mein Nokia 8.1 ki price EUR 399 (Approx. Rs 31,900 ) rakhi hai gayi. Ummid ki jaa rahi hai ki yeh phone December end tak India mein bhi launch kiya jaa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: