Waterdrop Notch Aur Dual Rear Cameras Ke Saath Announce Hua Huawei P Smart (2019)

Huawei ne aaj European market mein Huawei P smart (2019) ko launch kar diya hai. P smart (2019) ko ek mid range phone ki category mein launch kiya gaya hai. P-smart (2019), P smart 2018 ka ek successor hai, jo ki early 2018 mein hi launch hua tha.

Phone mein kiye gaye upgrade changes ki baat ki jaaye to sabse pehle P smart (2019) mein aapko Kirin 710 processor diya gaya hai jo ki 12nm FinFET platform par design kiya gaya hai. Jabki isse pehle P smart (2018) model mein aapko Kirin 659 processor diya gaya tha. Is smartphone ka design Honor 10 Lite se kaafi milta hai, Jo ki kaafi attractive gradient color mein aata hai. Colors option mein aapko iss phone mein Midnight black, Arora Blue aur Turquoise blue color ke option mil jaate hain.

P smart (2019) mein 6.21 inch ki FHD+ display di gayi hai, jiska screen aspect ratio 19.5:9 diya gaya hai. Phone ki display dew drop notch ke saath aati hai. Issi ke saath phone ki back panel par aapko 3D curved glass diya gaya hai jo ki phone ko glossy look deta hai. Yeh phone Android 9 Pie ke saath aata hai jo ki Huawei ke EMUI 9 par chalta hai. Phone ko single storage variant mein launch kiya gaya hai jahan aapko 4GB RAM aur 64GB internal storage ka option milta hai.

Image Credit: WInfuture

 

Optics ki baat ki jaaye to P smart(2019) smartphone mein aapko dual rear vertical camera setup diya gaya hai jahan primary camera 13MP ka aur secondary camera 2MP ka LED flash ke saath milta hai. Jismein aapko AI based scene recognization, portrait mode jaise option mil jaate hain. Phone ke front camera mein aapko 8MP ka selfie camera diya gaya hai. Phone mein 3400mAh ki battery di gayi hai . Iske alawa phone ke rear panel par finger print scanner ka option bhi aapko iss phone mein milta hai.

Connectivity ke liye aapko phone mein Wi-Fi, bluetooth, GPS ka option milta hai. Iske alawa P-smart (2019) mein aapko 3.5mm headphone jack ka option bhi diya gaya hai. Phone ke charging port mein koi bhi changes nahi kiye gaye hai, jahan aapko micro USB charging port hi iss phone mein milta hai.

Yeh phone 11th January se UK market mein sale ke liye available ho jaaega. Haalnki iss phone ki price ko abhi tak officially announce nahi kiya gaya hai. Saath hi other market mein bhi iss phone ki availability ko le kar koi update nahi di gayi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: