Entry Level Price Ke Saath Launch Hua Honor Play 8 Smartphone

Honor ne aaj China mein Play series mein ek aur smartphone Honor Play 8 ko launch kar diya hai. Phone mein water drop notch display di gayi hai. Iss phone mein aapko Mid night Black aur Aurora Blue color option mil jaate hain. Phone ka rear panel plastic material se banaya gaya hai jis par aapko textured finish milta hai.

Honor Play 8 mein 5.71 inch ki HD+ IPS LCD display di gayi hai. Phone ka screen aspect ratio 19:9 diya gaya hai. Iss phone mein 2.0 GHz Quad-Core MediaTek Helio A22 Processor aapko milta hai, jise 12nm mobile platform par design kiya gaya hai. Issi ke saath iss phone mein IMG PowerVR GE8300 GPU bhi aapko milta hai. Yeh phone EMUI 9.0 based Android 9 Pie operating system ke saath aata hai.

Also Read : Honor Play Phone India Mein Hua Launch 

Phone mein single rear camera 13MP ka LED flash ke saath diya gaya hai jiska aperture size f/1.8 hai. Phone ka rear camera auto focus support karta hai. Iske alawa front facing camera 5MP ka milta hai jo ki f/2.2 aperture ke saath aata hai. Phone mein  3020mAh ki typical battery aapko milti hai. Yeh phone dual 4G VoLTE ko support karta hai. Iske alawa iss phone mein aapko Wi-Fi 802.11 b/g/n, Bluetooth 5, GPS+GLONASS jaise connectivity option mil jaate hain.

Honor Play 8 ko China mein CNY 599 (~Rs 5,960) ki price tag ke saath launch kiya gaya hai, jismein aapko 2GB RAM ke saath 32GB internal storage aapko milti hai. Yeh Phone mein China mein V-mall store aur sabhi bade electronics stores mein sale ke liye available hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: