Entry Level Price Ke Saath Announce Hua Redmi 7

India mein Redmi Note 7 Pro launch karne ke baad, company ne aaj is smartphone ko home country China mein bhi launch kiya. Is smartphone ke saath China mein Redmi 7 ko bhi launch kiya gaya, jo ki ek entry level smartphone hai.

Redmi 7 ko bhi gradient color options Blue, Black aur Red mein showcase kiya gaya hai. Is handset mein 6.26 inch ki HD+ 2.5D curved display di gayi hai. Saath hi ismein 14nm Snapdragon 632 processor hai, jiske  saath aapko Adreno 632 GPU milta hai.

Redmi 7 mein bhi waterdrop notch di gayi hai, jismein 8 MP ka front camera fit hai. Ye smartphone P2i coating ke saath splash resistant hai, jo ki is price range mein thik hai. Iske alawa rear panel par 12 MP ka main camera LED flash light, PDAF aur f/2.2 aperture ke saath moujood hai aur secondary camera 2 MP ka hai.

Redmi 7 mein bhi rear mounted fingerprint reader diya gaya hai. Iske alawa ismein triple card slots milte hain, yaani ki dual 4G VoLTE ke saath dual SIM slots aur dedicated microSD card slot jisse aap memory ko additional 512GB tak badha sakte hain.

Is handset mein 4000mAh ki battery hai, lekin fast charging support nahin hai. Wahin ye Android 9.0 Pie OS ke saath MIUI 10 par chalta hai.

Is smartphone ke three storage options launch kiya gaye hain, jinmein 2GB RAM ke saath 16GB storage ki price 699 yuan (approx. 7,000 INR) hai, 3GB RAM ke saath 32GB internal memory version ki cost 799 yuan (approx. 8,000 INR) hai. Iske alawa 4GB+64GB storage variant ko 999 yuan (approx. 10,200 INR) ke price par launch kiya gaya hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: