Dus Saal Purana Hua Android; Jaanein Kaun Sa Tha First Android Smartphone Aur Ab Tak Ke Sabhi Android Versions Ke Naam

India mein maximum log, Android smartphones use kar rahe hain, budget se lekar premium handsets tak mein Android OS hai. Lekin kya aap jaante hain ki world ke 88% smartphones Android OS par hi chalte hain. Aur isi software ko launch huye 10 saal poore ho chuke hain. Aaiye jaante hain, first Android smartphone aur ab tak ke sabhi Android versions ke naamon ke baare mein.

Google dwara September, 2008 mein hi Android OS ko launch kiya gaya tha aur us samay Android OS ke saath launch hone wala first smartphone tha – T-Mobile G1. First Android smartphone ko HTC dwara manufacture kiya gaya tha aur Google dwara ismein Android software diya gaya tha.

HTC ka ye smartphone ek slider phone tha jismein display ko slide karne par uske neeche QWERTY keypad diya gaya tha. Is handset mein Android v1.1 OS tha aur usmein aane waale Google contacts, Gmail aur Google Calendar jaise features ko hum aaj tak use kar rahe hain.

Aaiye jaante hain ki pichle 10 years mein Android versions kaun kaun naamon ke saath launch huye the.

Sabse pehle aaya Android v1.1 version jise ‘Petit Four’ naam diya gaya, lekin bahut hi kam jagah iska jikr hua aur is naam ko officially announce bhi nahin kiya gaya.

  • Android 1.5 Cupcake – Is Android version ko jab Android 1.5 updated mila tab ise ‘Cupcake’ ka naam diya gaya aur wahin se ise pehchan mili.
  • Android 1.6 Donut – Iske baad kuch hi months ke baad ise 1.6 Donut update mila, jo ki September 2009 mein release kiya gaya.

  • Android 2.0 Eclairs – October 2009 mein phir Android versions par update aaya jiska codename 2.0 eclairs rakha gaya aur uske baad eclairs 2.1.
  • Android 2.2 Froyo – Iske baad Google ki taraf se announce kiya gaya Android 2.2 Froyo.
  • Android 2.3 and 2.4 Gingerbread – Iske baad December 2010 mein release kiya gaya Android 2.3 Gingerbread aur CES 2011 mein iska ek update dekha gaya Android 2.4, lekin name same hi raha.
  • Android 3.0, 3.1 aur 3.2 Honeycomb – February 2011 mein Android 3.0 announce kiya gaya, jiska codename Honeycomb tha aur baad mein July aur August 2011 mein Android versions 3.1 aur 3.2 par update aaye, lekin name same raha.

  • Android 4.0 Ice Cream Sandwich – October 2011 mein Android 4.0 update aaya.
  • Android 4.1 JellyBean – 2012 mein Android 4.1 aaya jise JellyBean naam diya gaya.
  • Android 4.4 KitKat – Google ne September 2013 mein phir update announce kiya jise Android 4.4 KitKat naam diya gaya.
  • Android 5.0 Lollipop – October 2014 mein announce kiya gaya Android 5.0 Lollipop OS.
  • Android 6.0 Marshmallow – Thik ek saal baad, October 2015 mein Nexus devices ke saath Android 6.0 Marshmallow OS ko release kiya gaya.

  • Android 7.0 Nougat – Iske baad 2016 mein, June mein company dwara Android 7.0 Nougat announce kiya gaya. Iske baad Android versions 7.1, 7.1.1 aur 7.1.2 updates aaye, lekin naam yahi raha.
  • Android 8.0 Oreo – 2017 mein Quarter 3 mein Android 8.0 Oreo OS saamne aaya, iske baad is par 8.1 update diya gaya.
  • Android 9.0 Pie – Iske baad ab finally last month Google latest Android update Android 9.0 Pie announce kar hi chuka hai.

Well, ye to tha pichle 10 years se Android versions ke baare mein, ab aap bataaiye ki aapko ye article kaisa laga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: