Dunzo App Ke Saath Aap Bana Sakte Hain Apni Life Ko Tension Free, Aapki City Mein Pick And Drop Kahin Bhi Kabhi Bhi,

Agar aap unn logon mein se ek hain jo apne personal kaam se bhi ghar se bahar nahi jaana chahte hai ya yun kahein ki ek baar ghar mein aane ke baad ya office pahuch jaane ke baad aapka man hi nahin karta hai kahin jaane ka to yeh app aapke liye hai. Maan lijiye aap ghar se nikalte hain apne office ke liye, apna sabhi office material le lete hain. Lekin office pahuch kar aapko dikhta hai ki aap apna laptop ghar par hi bhul aaye hain. Ab iss condition mein aap kya karenge. Aap Dunzo App ko login kar sakte hai aur kuch hi time mein apna Laptop apne ghar se apne office mein mangwa sakte hain.

 

Ji ha! Aisi hi hai yeh app. Yeh app apki troubling aur lazy life ko aur bhi simple banane mein kaam aati hai. Dunzo App ke through aap apne pass ke local store ya apni city ke kisi bhi corner se kuch bhi mangwa sakte hain. Guess, ki aaj aapke parents ki medicine khatam ho chuki hain. Lekin unka medicine lena bhi jaruri hai lekin aapko medicine lana yaad nahi raha hai aur aap iss time out of station hain. Aisi situation mein aap kya karenge. Just Dunzo app ko login karein aur apne local medical store se medicine order karein. Dunzo ki taraf se ek delivery executive aapke local store se medicine pick karega aur aapke ghar par deliver kar dega.

 

Iss app ke through aap aur bhi bahut kaam kar sakte hain, jaise ghar se office mein lunch deliver karwana. Local shop se grocery, vegetables, fruits magwana. Apne pas ke restaurants se apne food order ko pick karwana. Apne friends and family mein koi gift package send karwana. Laundry se clothes ko pick karwana aur ghar par drop karna. Aap ko yeh jaan kar thodi hairaani ho sakti hai ki Dunzo ek aisa service platform hai jis ke liye Google ne directly investment kiya hai. Yeh app aapke daily tasks ko complete karne mein aapki kaafi badi help karti hai. Google Play Store par iss app ke abhi tak 1 Million se bhi jyada downloads ho chuke hain. Kuch samay pehle tak yeh app apni service sirf Banglore ke andar deti thi . Lekin bhadte huye iss app ke use ko dekhte huye company ne apni services Delhi, Pune, Hyderabad, Gurgaon aur Chennai mein bhi dena shuru kar di hai.

Dunzo App mein login karne ke baad aapko apna location set karna hoga. Uske baad woh place search karein jahan se aapko products order karna hai. Agar products jyada hai to aap uski ek list prepare kar sakte hain. Uske baad aapko ek approx amount show hoga. Jo ki aapko delivery ke time par pay karna hoga.

 

Kisi bhi product ko deliver karne ka maximum time 60 minutes matlab 1 hours rakha gaya hai. Dunzo na sirf din mein balki raat mein bhi delivery services provide karte hain. Sabse achi baat yeh ki yahan aapke dwara order ki gayi products ki koi bhi minimum value fix nahi ki gayi hai. Yaha charges aapko distance ki according dene hote hain. Yahan per 3Km ke liye aapko Rs 45 dene honge. Dunzo App iOS aur Android dono hi platform ke liye available hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: