Duniya Ke 5 Sabse Mehenge Ghar; Sabhi ki Hai Apni Khaasiyat

Gharon ko sajaana kise pasand nahin aata, ek khoobsoorat ghar sabhi ka sapna hai. Apna ghar sabhi ke liye khaas hai, lekin aaj hum baat karne waale hain, aise gharon ki jo apne aap mein misaal hain. In gharon mein wo saari sukh suvidaayein hain, jo aapko shahad poore sheher mein nahin milne waali. Har tarah ki luxury facilities se bharpoor ye ghar duniya mein sabse mehenge hain, jinki ek jhalak duniya ka har insaan paana chahta hai.

Aaiye aapko bataate hain ki kaun se hain duniya ke Sabse Mehenge Ghar aur kya hai inki khaas baat.

1. Buckingham Palace

6 February 1952 se raaj kar rahi Britain ki Maharani Queen Elizabeth II ka yeh ghar London mein hai, jiska naam aap sabhi ne suna hoga – Buckingham Palace. Iss ghar mein total 775 rooms hain jinmein se 52 luxury rooms aur guestrooms hain iske alawa 188 staff bedrooms, 92 offices, 78 bathrooms aur 19 alag tarah ke staterooms hain. 800 care taker ke under mein iss palace ki dekh rekh ki jaati hai. Including doctor office, Post office, private ATM, private movie theater, staff cafeteria jesi sabhi badi services apko iss palace ke andar hi mil jaati hain. 50 acre area mein bane iss Buckingham Palace mein sayad hi koi aisi subhidha ho jo apko naa mile. Sources ke according bataya jaata hai ki palace mein aaj bhi ek underground tunnel hai.

Iss Palace ki present value $1.5 Billion hai aur ye duniya ke Sabse Mehenge Ghar list mein top par hai.

2. Antilia

Antilia Reliance Group ke owner aur India ke richest person Mukesh Ambani ka private residence hai aur ye bhi duniya ke Sabse Mehenge Ghar ki list mein shaamil hai. Apne ghar ko all in one place banane wale Mukesh Ambani ne Antilia ko hare tarah ki facility ke saath design kiya hai jismein unka  mein 3 helicopter pad bhi banaye gaye hain. Iss building mein total 27 floor hain jinki dekhbhaal 600 logon ka staff karta hai, jo ki ek contracting service company ke through hai. 550 feet height ki iss building mein total 9 elevator hain jo ki guest ko unki desired destination par le jaane ka kaam karte hain. Iss building mein sirf 6 floor Mukesh Ambani ne apni top favorite high end cars ke liye reserve kiye huye hai.

South Mumbai mein bane huye iss Antilia building ki current value $1 Billion hai.

3. Villa Leopolda

American architect Ogden Codman ne iss building ko 1929 se 1931 tak design kiya tha. Present time mein yeh property Lily Safra ke naam hai jo ki Lebanese banker William Safra ki widow hain.  Iss vila mein outhouse, outdoor kitchen, swimming pool, separate guest house, helicopter pad jesi services available hai. Aaj bhi yeh building France ke traditional interior ko poori tarah se dikhati hai.

50 acre ki iss property ko bhi duniya ke Sabse Mehenge Ghar ki soochi mein jagah di gayi hai aur current value $1.2 Billion hai.

4. Four Fairfield Pond

New York ki iss behatreen building ki owner hai Ira Rennert jo ki Renco Group company ki owner hain. 63 acre area mein bani huyi iss property mein 29 luxurious bedrooms hain. Iss building mein sabhi tarah ke games ke liye ek separate area design hai jo jese ki tennis ke liye tennis court, basketball ke liye basketball court, iske alawa ismein 3 large size swimming pool hain. Iss building mein 39 luxurious bathrooms hain jismein se ek bathroom mein special hot tub rakha gaya hai jis ki value $150,000 hai.

Four Fairfield Pond ki present value $220 Million hai aur ye bhi Sabse Mehenge Ghar ki list mein shaamil hai.

5. Palazzo Di Amore

American real state Entrepreneur Jeff Greene iss sundar property ke maalik hain. Bhadiya manoranjan ke liye design kiye gaye iss Palazzo Di Amore mein revolving dance floor or ball room jese manoranjan subhidhayen di gayi hain. 53000 square foot mein bikhare huye iss villa mein 12 bedrooms , 23 bathrooms, ek movie theater, or iski specialty waterfall bhi hai . ji ha iss property ke andar ek waterfall hai jo ki iss villa ki natural beauty ko bhadata hai .

Beverly Hills, California mein bani iss beautiful building ki current value $195 Million hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: