Duniya Ka Sabse Bada Camera Museum Khulane Jaa Raha Hai Gurugram Mein, K-20 Camera Hai Khaas Attraction

Aapne kaafi alag alag tarah ke museum visit kiye honge ya fir unke baare mein suna hoga. Lekin kya aapne camera museum ke baare mein suna hai. Duniya ka sabse bada camera museum Gurugram mein khulne jaa raha hai. Iska naam hai The Museo Camera- Centre Of Photography. Iss camera museum ko Haryana Swarn Jayanti Project ke under develop kiya gaya hai. Iss museum mein kaafi antique camera ka collection show kiya gaya hai. Kuch camera kaafi puraane hain to kuch kaafi antique. Inn sabhi ke beech ek camera aisa bhi hai jo ki war ke samay use kiya gaya tha.

Yeh Camera museum Gurugram ke Chakkarpur mein open hone wala hai. Iss museum ko visitor ke liye next month se open kar diya jaega. Aapko yeh jaankar hairaani hogi ki iss museum mein 1500 antique camera ka collection show kiya gaya hai jo ki 100 se bhi jyada countries se mangwaaye gaye hain. Iss collection mein duniya ka sabse chota camera bhi shamil hai. Camera ke alawa yahan aapko photographic equipments, photographic light,  photographic films, lenses aur light meters bhi dekhne ko milenge.

 

Inn sabhi ke saath hi  yahan kuch puraani photos ka collection bhi lagaya gaya hai jo ki inhi puraane aur antique camera se li gayi hain. Iss collection mein aapko Mahatma Gandhi se le kar Pandit Nehru tak ki real photos dekhne ko milengi. Museum mein ek shop bhi open ki gayi hai jahan se aap camera ya camera equipment se related miniature replica ko khareed sakte hain.

Iss collection ka main attraction wah camera hai jisne Jaapan mein Hiroshima aur Nagasaki par huye attack ki photos capture ki thi, jo attack America ka dwara kiya gaya tha. Iss camera ma naam hai K-20 camera. Iss museum ko 33 crore ki investment value ke saath banaya gaya hai.  Iss museum mein aapko total 2000 camera aur camera equipments dekhne ko milenge. Museum mein freelance photographer Kulwant Roy ka collection bhi aapko dekhne ko milega.

 

Visitors ke liye yahan cafeteria bhi banaya gaya jis se ki aap yahan behtar time spend kar sakein. Agar aap photography ke baare mein jyada jaanna chahate hain to aap yahan admission bhi le sakte hai jahan aapko seminar ke through photography mein use hone wali techniques shikahyi jaaengi. Yahan ek baar mein Maximum 200 students ko admission diya jaaega. Dusre sabdo mein aap ise photography study hub kah sakte hain. Jahan aapko education aur entertainment ek saath milta hai.

 

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: