Duniya Ka Pehla Android Satellite Smartphone Hua Launch : Thuraya X5-Touch

Jaha aajkal badi badi smartphone companies flip phone aur foldable phone banane mein lagi huyi hain wahi UAE based Global Satellite operator, Thuraya ne android based Satellite phone launch kar diya hai, thuraya X5-Touch. Yeh phone basically unn logon ko dhayan mein rakh banaya gaya hai jo jyadatar terrestrial area mein visit karte hain ya Government mission ya fir energy based project par work karte hain.

Thuraya X5-Touch Phone bahot jyada heavy specification ke saath launch nahi kiya gaya hai. Iss phone mein aapko 5.2 inch ki FHD IPS touch screen di gayi hai. Jaha aapko phone mein Android 7.1 Nougat milta hai. Thuraya X5-Touch mein 2GB RAM aur 16GB ki internal storage di gayi hai. Iss satellite phone mein aapko camera ka option bhi milta hai. Jaha 8MP ka rear camera LED flash ke saath aur 2MP ka front facing camera diya gaya hai.

Jaisa ki humne bataya ki yeh ek satellite phone hai aur koi bhi satellite phone antenna ke bina complete nahi hota hai. Thuraya X5-Touch mein aapko phone ke top corner par ek round shape retractable antenna diya gaya hai. Phone mein 3800mAh ki battery di gayi hai.

Rough and tough use ke liye phone ko water aur dust resistant design kiya gaya hai. Yeh phone IP67 water resistant hai. Iss phone ko MIL-STD-810 certification mila hai, jo ki phone ke extreme condition mein capable hone ke liye diya jaat hai. Satellite support ke alawa iss phone mein dual sim support bhi milta hai. Iske alawa phone mein on board NFC bhi aapko bhi diya gaya hai. Thuraya X5-Touch phone mein GPS, GLONASS, Beidou navigation support bhi diya gaya hai. Saath hi Wi-fi aur bluetooth ka support bhi aapko iss phone mein milega.

Satellite ke saath saath yeh phone 2G/3G/4G network par work karta hai. Thuraya X5-touch 160 countries mein launch kiya gaya hai jaha yeh phone December se sale ke liye available hoga. Iss phone ki market price £999 batayi gayi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: