Dual Rear Cameras, In-Display FPS, Snapdragon 855 & S-Pen Ke Saath Announce Hua Samsung Galaxy Tab S6

Samsung ne aaj Galaxy Tab S4 ke successor, Samsung Galaxy Tab S6 ko launch kar diya hai. Ise kuch extended features ke saath announce kiya gaya hai. Yeh tablet DEX support ke saath aata hai, jisse aapko behtar PC jaisa experience milta hai. Yeh tablet S-Pen ke saath aata hai, jo ki ek remote control ki tarah bhi kaam karta hai, saath hi ismein wireless charging ka support bhi milta hai. S-pen mein diye gaye remote control ki help se aap selfies click kar sakte hain, videos ko play aur pause kar sakte hain, saath hi phone ke multimedia ko bhi access kiya jaa sakta hai.

 

Samsung Galaxy Tab S6 mein 10.5 inch WQXGA Super AMOLED display di gayi hai. Iss tablet mein Octa-Core Qualcomm Snapdragon 855 7nm mobile platform processor ko use kiya gaya hai. Issi ke saath aapko ismein Adreno 640 GPU bhi milta hai. Iss tablet mein physical finger print scanner na de kar in-display finger print scanner diya gaya hai.

Also Read : India Mein Launch Huye Samsung Galaxy Tab S5e Aur Tab A 10.1 

Galaxy Tab S6 mein dual rear camera setup aapko milta hai. Primary camera 13MP ka diya gaya hai aur secondary camera 5MP ka 123° ultra wide angle lens ke saath aata hai. Iss tablet mein front camera 8MP ka milta hai. Tablet ko kaafi slim design kiya hai, jo ki 5.7mm thickness ke saath aata hai. Behtar audio output ke liye ismein quad AKG speakers diye gaye hain, jo ki Dolby Atmos sound provide karte hain. Iss tablet mein 7040mAh ki battery di gayi hai jo fast charging ko support karti hai, iske alawa S-pen mein 0.35mAh ki battery di gayi hai.

Iss tablet mein Mountain Gray, Cloud Blue and Rose Blush color options aapko mil jaate hain. Connectivity ke liye aapko ismein 4G LTE (Optional), dual band Wi-Fi MIMO, Wi-Fi direct, Bluetooth 5, GPS + GLONASS, Beidou, Galileo ka support bhi diya gaya hai. Tablet mein USB Type-C aur POGO Pin ka option bhi milta hai. Iss tablet ko WI-Fi aur LTE dono hi variants mein launch kiya gaya hai. Sabhi variants ki price aap yahaan dekh sakte hain. Yeh tablet selected market mein 23rd August se pre-order ke liye available hoga, jiske baad 6th September se iski sale shuru ki jaayegi.

  • Samsung Galaxy Tab S6 (LTE) –    8GB/256GB – € 859 (~Rs 65,700) 
  • Samsung Galaxy Tab S6 (LTE ) –   6GB/128GB – € 779 (~Rs 59,560)
  • Samsung Galaxy Tab S6 (Wi-Fi) – 8GB/256GB – € 779 (~Rs 59,560) 
  • Samsung Galaxy Tab S6 (Wi-Fi) – 6GB/128GB – € 699 (~Rs 53,400)

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: