Samsung Galaxy A10s Launch Hua: Improved Features Ke Saath Naya Budget Phone

Samsung ne aaj Samsung Galaxy A10 ke successor smartphone Galaxy A10s ko launch kar diya hai. Yeh phone kaafi samay se rumors ke beech bana hua tha, jahaan humein iski kaafi leaks dekhne ko mili thi. Yeh phone Galaxy A10 ke compare mein kaafi improved features aur specs ke saath aata hai. 

Samsung Galaxy A10s mein 6.2 inch ki HD+ infinity-V display di gayi hai. Phone mein Exynos octa-core processor diya gaya hai. Phone mein dual rear camera setup aapko milta hai, jismein primary camera 13MP (f/1.8 aperture) ka aur secondary camera 2MP (f/2.4 aperture) ka diya gaya hai. Iske alawa front facing camera 8MP (f/2.0 aperture) ka milta hai. Yeh phone Samsung One UI based Android 9 Pie operating system ke saath aata hai.

Phone ke rear panle par finger print scanner ka option mil jaata hai, jo ki Galaxy A10 mein nahi diya gaya tha. Iske alawa phone mein aapko 4000mAh ki battery milti hai. Audio output ke liye phone mein dedicated speakers ke alawa 3.5mm headphone jack bhi diya gaya hai. Yeh phone dual 4G VoLTE, Wi-Fi 802.11 b/g/n, Bluetooth 5, GPS + GLONASS jaise connectivity options ko support karta hai.

Samsung Galaxy A10s mein aapko Blue, Red, Green aur Black color options mil jaate hain. Yeh phone 2GB RAM aur 32GB internal storage ke saath aata hai, iski storage ko microSD card ki help se 512GB tak expand kiya jaa sakta hai. Company ne iss phone ki price ko abhi reveal nahi kiya hai. Reports ki maane to company iss phone jaldi hi India mein launch kar sakti hai, jiske saath hi iski price ko bhi reveal kiya jaayega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: