Dual Notches Ke Saath Launch Hone Wala First Smartphone Sharp Aquos R3

Phones mein screen-to-body-ratio ko increase karne ke liye iPhone-X notch saamne aayi aur dheere dheere, ise aur jyada badhaane ke liye companies ne kayi different tarah ki notches ka istemaal kiya. Lekin Japanese company ne aisa pehla smartphone launch kiya hai, jismein two notches hain. Well, unka ye design thoda unique hai, lekin iska purpose samjh paana thoda mushkil hai aur is smartphone ka naam hai Sharp Aquos R3.

Sharp Aquos R3 mein flagship chipset Octa Core Qualcomm snapdragon 855 moujood hai aur ismein aapko 6.2 inch ki IGZO LCD display milti hai. Saath hi yahaan display mein aapko Dolby vision aur HDR 10 support bhi diya gaya hai. Is smartphone mein ek waterdrop notch aapko upar ki taraf milti hai, jismein front camera fitted hai aur ek wide notch ismein neeche ki taraf hai, jismein stereo speaker fit kiya gaya hai.

Sharp Aquos R3 mein 6GB RAM ke saath 128GB ki internal storage hai aur yahaan battery capacity 3200mAh ki hai, jo ki 11W Qi wireless charging ke saath aayegi. Front par aapko selfies ke liye jo camera milta hai, wo 16.3 MP resolution ke sath aata hai aur 12.2 + 20 MP ka dual rear camera setup bhi yahaan moujood hai.

Is smartphone ko Android 9.0 Pie OS ke saath launch kiya gaya hai. Connectivity features mein 4G VoLTE, Wi-Fi 802.11a/b/g/n/ac, Bluetooth 5.0, GPS, USB Type-C port, 3.5mm audio jack aur dual SIM support shaamil hai.

Company ne abhi  Sharp Aquos R3 ki pricing details ko lekar koi announcement nahin ki hai. Lekin yahaan par aap keh sakte hain ki specifications to achhe hain, lekin design thoda ajeeb zaroor hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: