Dual Mode 5G Aur Dual Punch-Hole Selfie Cameras Ke Saath Ye Hoga Realme ka First 5G Phone

Realme ne abhi abhi apne first 5G smartphone ka teaser social media par share kiya hai. Ismein company ne upcoming smartphone ka naam bhi reveal kar diya hai. Agar aapko yaad ho to kuch months pehle Realme CEO Madhav Seth ne India mein jaldi hi 5G smartphone laane ki baat ki thi. Ismein unhone kaha tha ki ye upcoming smartphone Standalone (SA) aur non-standalone (NSA), dono network architectures ko support karega. Iske baad aaj company ne officially is handset ka first teaser unveil kiya hai aur is handset ka naam hoga Realme X50.

ALSO READ: Realme Ne Reveal Kiya Kab Kaun Se Smartphone Par Aayega Android 10 Based Naya Software

Realme X50 ka naam naam ko aap neeche di gayi image mein dekh bhi sakte hain. Realme X50 mein 7nm process based Snapdragon 700 series ka koi chipset hoga, jiska naam abhi saamne nahin aaya hai. Iske alawa ismein dual punch-hole selfie cameras aapko milne waale hain, jo is image mein bhi saaf saaf nazar aa rahe hain. Filhaal Chinese social media platform Weibo par saamne aaye teaser se ye saaf hai ki ye handset pehle China mein aayega aur phir India mein.

Expect ye kiya jaa raha hai ki Realme ka ye first 5G phone December 2019 mein hi India mein launch kiya jaa sakta hai. Saath hi Realme XT 730G bhi next month mein India launch ke liye line-up hai. Lekin possible hai ki company XT 730G ke launch ke saath sirf is handset ko announce karegi aur bataaya jaa raha hai ki iska launch wo next MWC (Mobile World Congress) 2020 mein karegi.

Well ab jab first teaser aa gaya hai, to ab humein intezaar hai iske images aur specs ka. Im sure, aapko bhi hoga. To is handset ke leaks ya updates aate hi hum aapke saath zaroor share karenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: