Dual Displays Aur Triple Rear Cameras Ke Saath Launch Hoga Vivo NEX 2: Official Teaser Out

Vivo Nex ka successor ab jaldi hi launch hone wala hai. Ab tak is khabar ko lekar sirf rumors the, lekin aaj company ne is smartphone ka official teaser launch karke, is smartphone ko confirm kar diya hai. Jis tarah Vivo Nex mein aapne sliding mechanism ke saath camera dekha tha, usi tarah company, Vivo Nex 2 mein phir se kuch naya lekar aa rahi hai, aur wo hai dual displays.

Vivo NEX 2 ki teaser image mein phone mein dual displays dikhai de rahi hain. Is smartphone mein aapko kafi slim bezels ke saath front display milti hai, wahin rear display aapko selfies click karne ke liye di gayi hai. Iske alawa iss phone ki highlight hai iska camera section, jahan rear panel par 3 camera setup diya gaya hai. Is smartphone ke teaser video mein 3 camera lenses move karte huye dikhai de rahe hain, jo aap article ke last mein dekh sakte hain.

 

Iske alawa Vivo Nex 2 mein aapko in-display fingerprint sesnor ka option bhi milega. Dual displays ke saath saath phone ko poori tarah se bezel-less design kiya gaya hai, jo ki dekhne mein kaafi attractive lagta hai. Image s ke saath saath phone ki kuch specifications bhi saamne aayi hain. Leak huyi specifications mein bataya gaya hai ki yeh phone Qualcomm Snapdragon 845 chipset ke saath aa sakta hai aur iski pairing Adreno 630 GPU  ke saath ki jaaegi. Vivo NEX 2 Android 9.0 Pie OS ke sath launch kiya jaa sakta hai.

Vivo NEX 2 mein triple rear cameras milne waale hain, saath hi ye smartphone Snapdragon 845 chipset ke saath aa sakta hai, wahin kuch rumors ki maanein to ismein aapko Snapdragon 8150 processor milne ki ummid bhi hai.

Vivo Nex 2 mein 6GB / 8GB ke RAM options aur 128GB storage expect ki jaa rahi hai. Lekin neeche di gayi leaked image ki maanein, to ismein aapko 10GB RAM option bhi mil sakta hai.

Connectivity ke liye iss phone mein aapko Wi-Fi, Bluetooth jaise basic features diye jaaenge. Saath hi iss phone mein 3.5mm headphone jack bhi diya jaaega, jo ki aaj kal ke premium phones mein se gayab hota jaa raha hai. Iske alawa Vivo NEX 2 mein 22W ki fast charging ka option bhi milega. Phone ke color variant ko le kar abhi koi update nahi hai. Dikhai de rahi images mein yeh phone sirf black color mein dikhai de raha hai.

Rumors ke according yeh phone 11th December ko China mein launch kiya jaa sakta hai. Haalanki company ki taraf se abhi yeh confirm date nahi hai. Wahin expect kiya jaa raha hai ki iski price lagbhag 46,000 INR ho sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: