Dual 44MP Selfie Cameras Ke Saath Aane Waala World Ka First Phone Next Month Hoga India Mein Launch

Oppo ne last month China mein apni Reno 3 series announce ki hai aur popular blog 91 Mobiles ke through ye khabar saamne aayi hai ki ye phones next month yaani ki February 2020 mein India mein dastak dene waale hain.

Sources kehte hain ki Oppo Reno 3 Pro India mein February ke third week mein launch hoga, lekin iske specs mein aapko thode changes nazar aa sakte hain. China mein is handset ko Snapdragon 765 chipset ke saath announce kiya gaya tha, jo ki 5G supported hai. Lekin India mein is handset mein aapko 5G support nahin milega, to expected hai ki company chipset change kar de.

Is phone mein kayi highlights hain, jaise ki ye world ka first phone hoga jo ko ki dual 44MP selfie cameras ke saath aayega. Iske alawa ismein Android 10 ke saath ColorOS 7.0 hoga. Is handset mein 12GB RAM hogi aur 256GB ki internal memory hogi.

Back par aapko four rear cameras milne waale hain, jismein 48MP ka primary rear sensor hoga, jo ki Sony IMX586 sensor ke saath aayega, 13MP ka telephoto lens hoga, 8 MP ka ultra wide angle camera hoga aur 2MP ka ek depth sensor hoga.

Oppo Reno 3 Pro mein 4025mAh ki battery ke saath VOOC 4.0 30W fast charging support bhi diya jayega. Connectivity features ki baat karein to, ismein Dual 4G VoLTE, WiFi 802.11 ac, Bluetooth 5.0, GPS, GLONASS, Beidou, NFC, aur USB Type-C port support shaamil hain.

Well price ke baare mein abhi koi information nahin hai, lekin phone ke specs kaafi powerful hain. Isse jyada jaankaari ke liye humein iske launch ka wait karna hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: