DTH Aur Cable Operators Ke Liye Naye TRAI Tariff Plans Saamne Aaye; 29th December Se Laagu Honge

Madras High Court ne haal hi mein ek naya faisal sunaaya hai, jiske according Telecom Regulatory Authority of India ko cable aur DTH operators par nayi tariff schemes laagu larni hongi. Maana jaa raha hai ki ye naye tariffs customer ko achhi suvidha dene ke liye hain, lekin yahaan maajra kuch aur hi nazar aa raha hai.

Nayi tariff scheme ke mein kaafi useless channels ko hataane ki yojna bhi hai aur inki jagah par naye channels laye jaane ka plan bhi hai. Ye judgement Madras High Court ke judge, Justice M Sundar ne diya hai. Inke according channel owners ko bhi ek naya raasta milega Jinmein puraane junk channels mein aapko customers ke liye kuch naya aur creative dena hoga, otherwise useless channels ko band karna hoga.

Saath hi is judgement ke according, puraane channels band hone se choti companies ko bhi kuch naye aur innovative channels laane ka mauka milega. Naye rules mein channel bundling ko ban nahin kiya hai, lekin negotiation par sakhti dikhaayi hai. Court ke judgement ke according broadcasters aur DTH operators ke beech fixed payement deals honi chahiye aur transparency bhi bani rehni chahiye.

Is samay consumers ke paas two options honge, jinmein se ek mein wo monthly package chun sakta hai, jo ki approx. 300-400 INR ka padta hai ya phir apne according saste channels bhi choose kar sakta hai. Yahaan par kuch channles ke daam Rs. 5 per month se bhi kam hai, jabki kuch ke daam Rs. 19 per month tak hai.

New channel rates 29th December se applicable honge jinhein aap neeche check kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: