Dot Notch Display Aur Entry-Level Price Ke Saath Nokia 2.2 India Mein Hua Launch

HMD Global ne aaj India mein Nokia 2.2 smartphone ko launch kar diya gaya hai. Yeh phone dot notch display ke saath announce kiya gaya hai. Yeh phone last year launch kiye gaye Nokia 2.1 ka successor hai. Iss phone mein aapko dedicated Google Assistant button milta hai. Nokia 2.2 mein aapko Steel aur Tungsten Black color option milte hain. Iss phone mein aapko face unlock ka support bhi diya gaya hai.

 

Nokia 2.2 mein 5.71 inch ki HD+ TFT LCD Display milti hai, jiska screen aspect ratio 19:9 diya gaya hai. Phone ke front panel par aapko 2.5D curved glass display milti hai. Phone mein 2GHz Quad-Core MediaTek Helio A22 processor ka use kiya gaya hai, saath hi IMG PowerVR GE-class GPU iss phone mein diya gaya hai. Nokia 2.2 ko 2 storage variant mein launch kiya gaya hai. Phone ko power dene ke liye ismein 3000mAh ki battery di gayi hai. Yeh phone Android One Powered hai jismein aapko Android 9 Pie OS diya gaya hai.

 

Phone ke rear panel par aapko 13MP (f/2.2 aperture) ka single camera LED flash ke saath milta hai. Front facing camera 5MP (f/2.2 aperture) ka diya gaya hai. Phone ke rear camera mein aapko AI Low Light feature aur HDR jaise feature milte hain.  Yeh phone dual sim support ke saath aata hai jo dual 4G VoLTE ko support karta hai. Connectivity ke liye aapko iss phone mein Wi-Fi 802.11 b/g/n, Bluetooth 4.2, GPS + GLONASS ke option mil jaate hain.

 

Iss phone ka 2GB/16GB variant aapko Rs 6,999 mein aur 3GB/32GB variant Rs 7,999 mein milega. Yeh phone Nokia ki official website par pre-order ke liye available hoga, iske alawa 11th June se yeh phone Flipkart aur offline sale ke liye bhi available ho jaayega. Company ne kaha hai ki 30th June ke baad iss phone ki price ko bhadaya bhi jaa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: