Diwali Se Ek Din Pehle, Realme Ne Increase Kiya Realme 2 Aur Realme C1 Ka Price, Ye Hoga Update Price

Oppo ki sub-brand Realme ne kaafi jaldi hi market mein apne kadam jama liye hain. Budget range ke smartphones mein bhadiya quality aur powerful features dene waali ye company, Xiaomi ke budget range ke smartphones ki competitor ban gayi. Realme 1 ki success ke aaye Realme 2 aur September mein launch huye, Realme 2 Pro aur Realme C1 ki sale bhi achhi hui.

Flipkart ki Big Diwali Sale ke dauraan Realme ne apne phones par achha discount bhi diya. Aur inhin dinon rumors bhi aaye ki Realme apne smartphones ki price sale ke baad increase kar sakta hai. Lekin itni jaldi increase honge, ye nahin pata tha.

5th November ko sale khatm hui hai aur aaj yaani ki 6th November ko, Realme ne apne smartphones ke price increase kar diye hain.

Realme 2 aur Realme C1 phones ki price Flipkart ki e-commerce website par bhada di gayi hai. Realme C1 ki price mein Rs 1,000 ka increment aur Realme 2 ke base model (3GB RAM) mein Rs 500 ki increment ki gayi hai. Lekin 4GB wale model mein kisi tarah ke hike nazar nahi aa rahi hai. Haalanki abhi Realme 2 pro ki price mein koi badhotari nahin nahi hui hai.

In dono smartphones ki specs dekhein to, Realme 2 mein 6.2 inch ki HD+ display, Snapdragon 450 processor, 3GB / 4GB RAM, 32GB / 64GB storage, 13+2 MP dual rear cameras aur 4230mAh ki battery hai. Wahin Realme C1 mein 6.2 inch ki HD+ display, 2GB RAM, 16GB storage, Snapdragon 450 chipset aur 4230mAh ki hi battery hai.

Sources ki according, company ke price increase karne ka reason dusre countries se parts ko import karna hai. Import kiye jaane wale parts par import duty bhadne ki wajah se price mein increment kiya gaya hai. Saath hi international market mein INR ki value US Dollar k comparison mein aaye din kam hoti dikhai de rahi hai. Aur ye ek aur reason hai ki Realme 2 aur Realme C1 ke price badhaaye gaye hain. Rumors ki maane to jaldi hi Xiaomi ki taraf se bhi kuch phones mein iss tarah ke price hike dekhne ko mil sakti hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: