Difference Between Redmi 6 Pro, Redmi 6 And Redmi 6A: Which One Do You Like?

Xiaomi ne India mein Redmi 6 series launch ki jismein Redmi 6 Pro, Redmi 6 aur 6A shaamil hain. Ye sabhi smartphones budget range mein hi hain aur inki kimat 5,999 INR se shuru hokar 12,999 INR tak jaati hai. Halaanki ye sabhi smartphones is price range mein kaafi achhe hain, lekin inmein se aapki pasand kya hai aur in teenon mein kya difference hai, aaiye jaante hain.

Design and Build Quality

Agar aapko achha aur trendy design chahiye, to notch ke saath aane waale Redmi 6 Pro ko aap kharid sakte hain. Metal body ke saath aane waale is smartphone mein rear panel par fingerprint scanner, dual rear cameras aur front mein notch diya gaya hai. Jabki Redmi 6 aur 6A plastic se bane hain, jinhein metallic finish diya gaya hai. Wahin in dono smartphones ka design wahi Xiaomi ke baaki budget smartphones jaisa hai aur notch bhi nahin hai.

Display

Redmi 6 Pro mein 19:9 ratio ke saath 5.84 inch ki full HD+ display moujood hai, jo 500 nits brightness aur 84% NTSC Color Gamut ke saath aayegi. Doosri taraf, Redmi 6 aur 6A mein 5.45 inch ki HD+ display di gayi hai, jo 18:9 aspect ratio ke saath fit ki gayi hain.

Hardware and Software

Redmi 6 Pro ko power dene ke liye ismein Snapdragon 625 chipset hai, jiska performance achha hai. Wahin Redmi 6 mein Octa Core MediaTek P22 CPU hai aur Redmi 6A mein quad core MediaTek Helio A22 processor hai. Well, price range ke according sabhi smartphones mein aapko abover average performance milti hai.

Saath hi in sabhi xiaomi ke smartphones mein custom user interface MIUI 9 hai, jo Android 8.1 Oreo OS par based hai.

Camera

Redmi 6 aur Redmi 6 Pro mein 12 + 5 MP ka dual rear camera setup diya gaya hai, jo LED flash light, f/2.2 aperture, PDAF, portrait mode jaise features ke saath aayenge. Wahin in dono smartphones mein front facing camera, 5 MP resolution aur f/2.2 aperture ke saath moujood hai.

Redmi 6A mein aapko single rear camera 13 MP resolution ke saath diya gaya hai, ismein bhi LED flash light, PDAF aur f/2.2 aperture jaise features hain. Iska frontal sensor bhi 5 MP ka hi hai.

Battery

Is maamle mein bhi Redmi 6 Pro sabse aage hai aur yahaan aapko 4000mAh ki battery milti hai. Wahin Redmi 6 aur 6A ki battery capacity 3000mAh hai. Lekin in teenon smartphones mein fast charging capacity nahin hai.

Pricing and Availability

Redmi 6 Pro mein updated design, FHD+ display, powerful processor aur badi battery jaise sabhi features moujood hain. Ye smartphone Amazon exclusive hai aur 11th September se sale ke liye available hoga. Iske 3GB+32GB version ka price 10,999 INR hai aur 4GB+64GB variant, 12,999 INR ki kimat par launch kiya gaya hai.

Redmi 6 ki kimat 8-10K ke beech hai aur ye ek Flipkart exclusive device hai jiski first sale 10th of September ko start hogi. Ismein two versions launch kiye gaye hain jinmein 3GB+32GB version ka price 7,999 INR aur 3GB+64GB version ka cost 9,499 INR hai.

Redmi 6A, is series ka cheapest smartphone hai aur ye bhi Amazon exclusive hai jo 19th September se sale mein aayega. Iske 2GB+16GB storage option ki kimat 5,999 INR hai aur 2GB+32GB variant ka price 6,999 INR.

Iske alawa ye sabhi smartphones Mi.com par bhi available honge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: