Delhi Child Rights Body Ne Kaha, Online Games Hain Bachhon Ke liye Harmful, PUBG Bhi Include Hai Inn Games Mein

Player Unknown’s Battle Ground aka PUBG. Iss game ka naam aapne abhi tak jarur sun liya hoga. Yeh ek online multiplayer game hai, jismein aap single, duo ya team ke saath khel sakte hai. Iss game ko design kiya hai Ireland ke ek video game designer Brendan Greene ne. Iss game ko December 2017  mein Windows ke liye launch kiya gaya tha aur iske baad February 2018 mein smartphone ke liye launch kiya gaya tha. Yeh game Android aur iOS dono hi platform ke liye available hai. Android smartphone mein iss game ko run karne ke liye aapke smartphone mein kam se kam Android 5.1 ( Lollipop) hona jaruri hai. Wahin iOS smartphone mein yeh game run karne ke liye aapka iOS phone kam se kam iOS 9.0 ko support karna chaiye.

 

 

Aaj ke samay mein kuch logon ko iss game ka itna bura addiction ho chuka hai ki unhe apna khud ka khayal bhi nahi rehta hai. Iss game ke chalte kuch aisi ghatnaye saamne aayi hain jin par bharosa kar pana muskil hai. Sabse pehle aapko yeh pata hona chaiye ki kisi bhi cheej ki ati bekar hoti hai, fir chahe wah game ho ya Kuch aur. Haal hi mein saamne aayi research mein bataya gaya hai ki jyada samay tak ek hi jagah par bethe rehne se aapko spinal cord ki problem ho sakti hai. Iske alawa long time tak screen ki taraf dekhne se aapki eye sight bhi weak ho jaati hai.

Saamne aayi kuch ghatnao mein se aapko haal hi ki ek ghatna ke baare mein batayein jahan ek ladke ne sirf islie suicide kar liya kyun ki uske parents PUBG khelne ke liye Rs 37,000 ka smartphone dilane mein capable nahi the. Iski jagah unhone use RS 20,000 ka smartphone dilaya tha. Iske alawa ek aur ghatna saamne aayi hai jismein ek PUBG player ne sirf isliye suicide kar liya tha kyun ki wah apne competitor player ko game mein beat nahi kar paa raha tha.

 

PUBG ek aisa game hai jismein kaafi violence dikhaya jaata hai. Jiska seedha asar aapke mind par padta hai. The Delhi Commission For Protection Of Child Right (DCPCR) ne Monday ko yeh announce kiya ki PUBG aur iss jaise baaki online game kam umar ke bachhon ke mind par galat impact daalte hain. Yeh games kahin na kahin negativity ko bhi promote karte hain.

 

Last montth Gujarat ke ek minister ne HRD Ministry ko inn games par ban lagane ke liye request ki thi. Jahan bachhon ke suicide ki news iss request ke liye main pont thi. Haal hi mein huye event mein ek mother ne PM Modi se pucha ki mera beta kaafi time tak online game khelta hai, mujhe iske liye kya karna chaiye. Iss par PM Modi ne kaha ki parents ko iske liye bachhon ko guide karna chaiye. Unhe batana chaiye ki games ko play station par na khel kar playground mein khelna jyada beneficial hai.

 

Technology apne saath positive aur negative dono hi points le kar aati hai. Yeh aap par depend karta hai ki aap use kis tarah samjhte hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: