December 2018 Mein India Mein Launch Honge Ye Smartphones

November 2018 mein India mein bahut se handset launch huye hain, jinmein Realme U1, Huawei Mate 20 Pro, Samsung Galaxy A9 aur Redmi Note 6 Pro jaise shaamil hain. Lekin is month, yaani ki December 2018 mein jo handsets aapko India mein nazar aayenge, wo aur bhi advanced hain. Aaiye jaante hain ki duniya bhar mein kaun se smartphones 2018 ke is last month mein launch hone jaa rahe hain.

Oppo R17 Pro

Sabse pehle baat karte hain, 4th December ko launch hone waale Oppo R17 Pro ki. Is smartphone ki main highlight hai iski SuperVOOC flash fast charging technology, jo is smartphone ko 92% tak kewal 30 minutes mein charge kar sakta hai. Oppo R17 Pro mein 6.4 inch full HD+ AMOLED display milti hai. Ismein aapko Snapdragon 710 chipset milti hai aur saath hi 8GB RAM ke saath 128GB internal storage milti hai. Ismein aapko 12+25+3D TOF triple rear cameras milte hain aur front par 25 MP ka camera diya gaya hai.

Ismein 3700mAh ki battery aur Android 8.1 Oreo OS ke saath Color OS 5.2 software diya gaya hai.

Oppo R17 Pro ki India price 44,990 INR bataayi jaa rahi hai aur Amazon par iske pre-orders already shuru ho chuke hain.

Nokia 8.1

HMD Global bhi 10th December ke liye ek launch event announce kar chuka hai, jismein company Nokia 8.1 ko launch karne waali hai. Is smartphone ko Nokia 7.1 Plus ke naam se expect kiya jaa raha tha, lekin ab ye Nokia 8.1 ke naam se aane waala hai. Ismein aapko 6.18 inch ki FHD+ display, Snapgragon 710 chipset, 12+13 MP ka dual rear camera aur 20 MP ka front camera moujood hoga.

Ismein 4GB+64GB aur 6GB+128GB versions ka launch kiya jaana hai. Ismein bhi Android 8.1 Oreo OS aur fast charging ke saath 3700mAh ki battery milegi.

Meizu M16 Meizu bhi is month se India mein wapasi kar raha hai. Company ne 5th December ke liye ek launch event announce kiya hai. Ismein company apna budget smartphone Meizu M6T launch kar sakta hai. Ismein 5.7 inch ki HD+ display, MediaTek MT6750 processor, 4GB+32GB storage aur 13+2 MP ke dual rear cameras ho sakte hain. Is smartphone mein 3300mAh ki battery aur android 7.0 Nougat software aayega.

ASUS Zenfone Max Pro M2

ASUS ke jis smartphone ka intezaar sabhi fans kar rahe the, wo bhi 11th December, 2018 ko launch hone wala hai, Zenfone Max Pro M2. Is smartphone mein 6 inch ki FHD+ display, Corning Gorilla Glass 6 protection di jayegi. Ismein Snapdragon 660 chipset ke saath 4GB+64GB storage milne waali hai.

Ismein dual rear cameras, rear mounted fingerprint sensor, 13 MP ka front camera aur 5000mAh ki battery shaamil hai.

Vivo Y81i

Vivo ka ye budget handset bhi India mein 7th December ko launch ho sakta hai. Iski price India mein 7,999 INR expect ki jaa rahi hai. Ismein 6.22 inch ki HD+ display, MediaTek MT6761 chipset, 2GB+16GB storage aur 3260mAh ki battery aayegi. Iske alawa ismein 13 MP rear aur 5 MP front camera hoga.

Huawei Nova 4

Huawei ka Nova 4 ek flagship smartphone hoga, jo China mein 17th December ko launch hone wala hai. Ismein in-display front camera diya jayega. Huawei Nova 4 mein Kirin 980 chipset hogi, jo 7nm processor par based hai. Iske saath kaafi slim bezels ke saath full HD+ display di jayegi aur 6GB+128GB ka storage milega. Ismein Android 9.0 Pie OS ke sath EMUI 9.0 ko expect kiya jaa raha hai.

Halaanki India mein is smartphone ke launch ki abhi koi information nahin hai, lekin expect kiya jaa raha hai ki ye smartphone December end ya January 2019 mein India mein launch kiya jaa sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: