Daboo Ratnani Calendar 2018 se Bollywood Jagat Mein Debut Kar Rahi Hain Manushi Chillar

Manushi Chillar ek naam hai, jise aaj ke samay mein kisi introduction ki zaroorat nahin hai. Manushi Chillar jis ladki ka naam hai usne India ko 2017 mein 17 saal baad Miss World ka khitaab dilwaaya hai.

Manushi Chillar kewal 20 saal ki hain aur is samay MBBS kar rahin hain. Rohtak ki rehne waali Manushi ek Kuchipudi dancer bhi hain aur National School of Drama ka hissa bhi rahin hain. Ab Miss World, dancer aur drama school ki student hone ke baad Manushi Bollywood ki duniya mein nazar na aayein aisa bhala kaise ho sakta hai.

Ji haan, pichli sabhi Miss World reh chuki girls ne Bollywood mein apni kismet ko zaroor azmaaya hai aur unhin ke nakshe kadam par chalte huye Manushi Chillar bhi Daboo Ratnaani ke calendar se apna debut kar rahin hain. Ji haan, Ye wahin Daboo Ratnani Calendar hai, jiska intezaar har saal sabhi bade celebrities karte hain.

Jahaan Daboo Ratnaani ke 2018 calendar mein jahaan Amitaabh, Aishwarya, Alia Bhatt, Siddharth Malhotra, Vidya Balan, Farhan Akhtar, Shraddha Kapoor, Varun Dhawan, Parineeti Chopra aur Kriti Sonon jaise bade Bollywood actors nazar aa rahe hain, wahin inmein ek naam Manushi Chillar ka bhi jud gaya hai.

Haal hi mein Manushi ne Daboo Ratnaani ke calendar ke liye shoot kiya hai, jo Bollywood mein entry paane ke liye unka pehla kadam bhi saabit ho sakta hai.

Apka is baare mein kya kehna hai, comments ke zariye zaroor likhiye.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: