Crash Test Main 5-Star Rating Ke Saath Pass Hui Jaguar F Pace

Euro new car assessment programme (NCAP) ke kiye crash test main jaguar ki pehli SUV F Pace ne 5-star rating hasil ki hai. Jaguar ne is car ko pichle saal launch kiya tha or safety ke lihaj se yeh car kafi better hai. Delhi main car ki ex-showroom price 60 lakh hai.

Jaguar ne kuch time pehle hi apni pehli SUV F Pace launch ki hai or launch se lekar ab tak yeh car logon ko attract karne ke saath saath wah waahi loot rahi hai. Ab is car ko safety ke lihaaj se bhi appreciate kiya jaaega kyuki jaguar ko safety test main 5-Star Rating mili hai. Euro new car assessment programme (NCAP) ke kiye gaye crash test main F-pace ko 5-star rating ke saath adults ki safety par 93% or bachon ki safety par 85% result mila hai. Pedestrian ki safety ke liye is car ko 80% result mila hai. Jaguar F-pace duniyabhar main pichle 18 month se sale ki ja rahi hai or NCAP ne haal hi main iska crash test liya hai.

Jaguar F-pace ko 5-rating milne par jaguar land rover ki product engineering wing ke executive director nik rojers ne kaha ki,” Jaguar f pace award winning design or engineering ke saath di gayi safety ka mixture hai. Customers ki umeed ki hisab se is car ko ache features or power dene ke saath safety ke lihaaj se bhi issey shaandar banaya gaya hai. Iske saath hi humne car main forward traffic detection or driver condition monitoring system bhi diya gaya hai jo issey sach main 5 star layak banata hai.”

Aluminium ki halki body ke alawa isme kafi ache safety features diye gaye hai. Isme pedestrian ko pehchan lene vale feature ke saath autonomous emergency braking, 6 airbags, stability control, ABS or kai aise features shamil hai. Is car ko kai sare electronic driver add ke saath launch kiya gaya hai. Jaguar ne f pace main 2.0 ltr ka enginium diesel engine diya gaya hai jo 4000 rpm  par 177 bhp power or 2500 rpm par 430 Nm torque generate karta hai. Yeh car 0-100 kmph ki raftaar pakdne main sirf 8.7 sec lagati hai, vahi car ki top speed 208 kmph hai.

 

Facebook Comments

Recommended For You

About the Author: Riya Sharma

Leave a Reply

Your email address will not be published.

%d bloggers like this: