Court Ke Instruction Ke Baad App Store Aur Google Play Store Se Hata Diya Jaayega Tik Tok App

Madras High Court ke instruction ko follow karte huye Google aur Apple ne apne Play Store aur App Store se Tik Tok App ko remove kar diya hai. Jitni jaldi yeh app popular huyi thi utni hi jaldi ise social media platform se haata diya gaya hai. Agar aap nahi jaante hain to aapko bata dein ki Tik Tok ek video making app hain jahan aap apni voice mein ya fir pre loaded voice ke saath mil kar video bana sakte hain. Iss app ka naam pehle musical.ly tha jise baad mein change kar ke Tik Tok kar diya gaya tha.

Jab yeh app launch ki gayi thi tab ismein sirf movies ke songs aur dialogues add kiye gaye the. Lekin kuch samay se iss app mein violated  aur obscene content dekhne ko mil raha tha. Jiski wajah se youth par iska galat imapct pad raha tha. Kaafi cases mein iski wajah se violation ki extreme situation ko bhi dekha gaya hai. Saath hi had tab paar ho gayi jab ek bacche ne abusive words ke base iss app mein sabse jyada likes gain kiye the. Iss app ke ban hone se parents ko bhi kaafi raahat mili hai. Aisa nahi hai ki iss app mein sirf galat content hi saamne aaya ho, kuch logon ke hoonar ko bhi iss ne support kiya aur unhe jameen se aasman par pahucha diya hai.

 

Iss app par rok lagane se rokne ke liye Chinese company Bytedance Technology ne pehle bhi court mein appeal ki thi jise court ne pehle hi dismiss kar diya tha. Report ki according India Tik Tok aur iss jaisi baaki apps ke liye ek broad aur better market ban chuka hai. Issi ke chalte company ne 2019 ke first quarter mein hi 18.8 Crore naye users add kiye hain, inmein se 8.86 Crore users sirf India se add huye hain. Same issi tarah last year release kiye gaye data mein iss company ke 50 Crore users data mein 39% sharing sirf Indian users ki rahi hai.

 

Court dwara release kiye notice ke baad yeh app ab Google ke play store par dikhai nahi de raha hai. Lekin Apple ke App store par abhi bhi ise dekha jaa raha hai. Lekin inn sabke alawa jin users ke smartphones mein yeh app abhi bhi available hai wah pehle ki tarah hi kaam karegi. Saath hi Ministry Of Electronics & Information Technology ke order ke baad iss app ke download hona bhi kam ho gaye hain. February mein saamne aaye data ki according Tik Tok App ko abhi 240 Millions users ne download kiya hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: