Coolpad Note 8 India Mein Hua Launch, Jaane Specification, Price Aur Availability Ke Baare Mein

Budget phone manufacturer, Coolpad, ne apna new smartphone Coolpad Note 8 aaj Indian market mein launch kiya hai. Curved edges aur sleek design mein launch kiye gaye iss phone mein Coolpad ke previous smartphones ke comparison mein kaafi behtar specifications di gayi hain. Yeh phone starting mein aapko Paytm Mall par hi milega.

Coolpad Note 8 ke specification ki baat ki jaaye to, yeh phone 5.99 inch ki IPS full HD+ display ke sath launch kiya gaya hai jismein 18:9 screen aspect ratio milta hai. Coolpad Note 8 ko black piano finish ke single color mein market mein utaara gaya hai jo ki dekhne mein kaafi attractive lagta hai.

Is smartphone mein 4,000mAh ki battery hai aur company claim karti hai ki iss battery capacity mein yeh phone 8 hours ka talk time aur 200 hours ka stand by time carry karta hai.

Coolpad Note 8 Android 8.0 Oreo software par chalta hai. Hardware ki baat karein to, ismein 1.5 Ghz ka Mediatek MTK6750T Quad- core processor diya gaya hai. Sath hi ismein MaliT860-MP2 GPU bhi diya gaya hai.

Is dual SIM handset mein aapko 4GB RAM ke sath 64GB ki internal storage ka option milta hai. Phone ke storage ko aap microSD card ki help se 128GB tak expand kar sakte hai.

Optics segment mein, Coolpad Note 8 mein dual rear cameras hain, jo vertically fitted hain. 16MP primary camera LED flash light, f/2.0 aperture ke saath hai aur secondary camera 0.3MP ka diya gaya hai. Wahin front camera mein aapko 8MP ka selfie camera diya gaya hai. Phone mein beauty mode, blur mode, panorama mode ka option bhi milta hai.

Coolpad Note 8 mein rear mounted fingerprint sensor, proximity sensor, light sensor,           accelerometer bhi moujood hai. Iske alawa phone mein bluetooth, Wi-Fi, GPS ka support bhi milta hai. Audio output ke liye iss phone 3.5mm headphone jack ka option diya gaya hai.

India market mein iss phone ki price Rs 9,999 batayi gayi hai, aap ise Paytm Mall ki app se khareed sakte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: