Coolpad Ne Entry-Level Price Ke Saath Launch Kiya Cool 3 Plus

Coolpad ne aaj India mein apna latest budget smartphone launch kiya, jiska naam Cool 3 Plus hai. Is handset mein company ne waterdrop notch di hai aur ise three storage variants mein launch kiya gaya hai.

Cool 3 Plus Specifications

Cool 3 Plus mein 5.71 inch ki HD+ display hai aur ye handset Octa Core MediaTek Helio A22 processor par chalta hai. Ismein 13 MP ka single AI rear camera milta hai aur front par selfies ke liye 8 MP sensor hai. Yahaan par ek major drawback ye hai ki Cool 3, jo ki last year aaya tha, usmein dual rear cameras hain, lekin aaj launch huye iske successor mein company sirf single camera diya hai.

Iske alawa Cool 3 Plus mein 3,000mAh ki battery hai, jo ki in dinon launch ho rahe affordable smartphones mein aa rahi batteries se thodi choti hi hai aur price ke according, ismein koi fast charging nahin hai. Iske alawa ismein dual SIM slots hain aur ye Android 9.0 Pie OS par chalta hai.

Cool 3 Plus Pricing & Availability Details

Cool 3 Plus mein aapko gradient color options milte hain. Ismein 2GB RAM ke saath 16GB storage version ka price 5,999 INR hai, 3GB RAM ke saath 32GB ROM variant ki price 6,499 INR hai. Ye dono versions aapko Amazon par 2nd July se sale ke liye available honge. Iske alawa 4GB RAM ke saath 64GB storage version ka price 7,999 INR hai aur ye ek offline exclusive model hai, jo ki leading retail outlets par August se available hoha.   `

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: