Confirm: Vivo Ka Waterdrop Phone, Apex 2019, January Mein Hi Hone Jaa Raha Hain Launch

Vivo ke Apex concept ke baare mein to aap sun hi chuke honge, jise company ne last year MWC 2018 mein showcase kiya tha aur baad mein use NEX ke naam se MWC tak ka intezaar nahin karna hoga. 24th January ko Vivo ek media event host karne jaa rahi hai aur isi event mein hum is smartphone design ko dekh sakenge.

Vivo Apex 2019 wahi smartphone hai, jiski images waterdrop phone ke naam se kuch hi din pehle Twitter par leak hui thi. In images mein thoda jyada curved design aur edges par bina kisi physical button ke phone ke sleek design ko dikhaya gaya hai.

Saath hi in images mein front aur rear panel aapko merge hote dikhenge aur ismein front camera ke liye koi notch bhi nahin hai. Halaanki complete image ko saamne nahin aayi hai, lekin Vivo ke is smartphone ko ‘crazy phone’ bhi kaha jaa raha hai. Maana jaa raha hai ki, is smartphone jaisa design pehle market mein nahin aaya hai.

January 24 ke launch ko lekar Chinese social media network par teaser pehle hi aa chuka hai, jise aap neeche dekh sakte hain. Is teaser mein aapko twisted waterdrop nazar aayegi aur is image ko lekar company ne jo likha hai, uska translation hai, “totally heaven”.

Well, last year bhi company ne kuch naya kiya tha aur is baar Vivo jo bhi launch karne waali hai, usse expectations to kaafi high hain.

Kya aap bhi is second Apex phone ko lekar excited hain ?

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: