Company Ne Reveal Kiya, OnePlus 6T Ka First Official Teaser Aur Launch Date

OnePlus 6 ko launch huye kuch time ho chuka hai aur iski overall performance ko dekhne ke baad, fans ko ab OnePlus 6T ka intezaar hai. Achhi baat ye hai ki company ki taraf se iska first official teaser aaj saamne aa chuka hai. Halaanki is smartphone ka face unlock feature bahut achha kaam karta hai aur aane waale smartphone mein bhi ye hoga, lekin saath hi ismein in-display fingerprint scanner bhi aapko milne waala hai. Yaani ki either face unlock aur in-display fingerprint scanner, kuch bhi security ke liye choose kar sakte hain.

Well, OnePlus ne aaj OnePlus6T ke lockscreen ka ek screenshot share kiya hai, jismein ye saaf nazar aa raha hai ki aane waale smartphone mein aapko ye advanced feature bhi milne wala hai. Isi ke saath agar aap neeche diye huye is screenshot par dhyaan dete hain, to ismein smartphone ki launch date bhi dikhaayi de rahi hai.

 

Jee haan ! OnePlus 6T ka global launch event, October 17 ko hoga. Well, OnePlus 6T ke jo features ab tak confirm hain unmein, in-display fingerprint scanner, Snapdragon 845 chipset, face unlock feature aur full HD+ display shaamil hain.

Iske alawa kuch samay pehle iske retail box ke bhi photos leak huye the, jiske according ye waterdrop notch ke saath aayega.

Is flagship smartphone mein aapko 8GB tak ki RAM mil sakti hai. Saath hi ummid ye hai ki iska price USD 550 se start hoga, yaani ki approximately 40,000 INR.

Well, ummid ye hai ki aane waale samay mein is smartphone ke aur bhi specs, rumors aur leaks ke zariye saamne aayenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: