Company Ne Launch Se Pehle Reveal Kiye Redmi Note 8 Ke Price & Specs Details

29th August ko Redmi ki taraf se kaafi kuch saamne aane wala hai.  Ismein Redmi TV, RedmiBook aur Redmi Note 8 series shaamil hai. Iske alawa in smartphones ki kuch details company already confirm kar chuki hai, lekin aaj launch se 3 din pehle Redmi Note 8 ki price aur key specs bhi saamne aa chuke hain, jo hum aapko is article mein bataane waale hain.

Is series mein Redmi Note 8 Pro aur Note 8 shaamil hain. Inmein Note 8 Pro mein 64MP camera hoga, jo ki company last week confirm kar chuki hai. Wahin Redmi Note 8 mein humein 48MP camera dekhne ko mil sakta hai.

Iske alawa company ne ye bhi kaha hai ki Redmi Note 8, Redmi Note 7 se kaafi jyada powerful hone waala hai.  Is budget handset mein Octa Core Qualcomm Snapdragon 665 chipset aayega aur ismein triple rear cameras honge.

Is upcoming phone mein 4500mAh ki battery hogi. 48MP primary rear camera,  secondary super wide angle lens aur third depth sensing ke liye hoga. In dono hi smartphones mein dot drop notch expect ki jaa rahi hai.

Ab aate hain, price par. Company price ko lekar announce kar chuki hai ki Note 8 ka price, Redmi Note 7 ke jitna hi hone waala hai. Is smartphone ki kimat 1000 yuan yaani ki 10,000 INR tak hi hogi.

Well, specs to kaafi interesting hain, ab aapka kya kehna hai. Kya aap is handset ka wait kar rahe hain ?

Facebook Comments

Recommended For You

About the Author: Pooja Choudhary

Leave a Reply

Your email address will not be published.

hi हिन्दी
X
%d bloggers like this: