Circular Camera Module Wala Nokia 7.2 Jaldi Hi Kar Sakta Hai India Mein Entry

Issi month ke first week mein IFA 2019 event mein HMD Global dwara introduce kiya gaya phone Nokia 7.2, jaldi hi India mein launch kiya jaa sakta hai. Nokia Mobile India ke official twitter handle iss baat ki jaankari di gayi hai. Tweet ko #ExploreTheNight ke saath post kiya gaya hai. Iss video mein phone ka rear circular camera module show kiya gaya hai, jo ki ZEISS lens ke saath hai. Same camera module humein Nokia 7.2 mein dekhne ko mila tha.

Nokia 7.2 ek mid-range smartphone hai. Iske saath company ne Nokia 6.2 ko bhi introduce kiya tha. Expect kiya jaa raha hai ki yeh donon phones ek saath Indian market mein launch kiye jaa sakte hain.

Baat karein Nokia 7.2 ke specs ke baare mein to iss phone mein 6.3 inch ki full HD+ display di gayi hai, jismein ‘Pure Display’ technology ka use kiya gaya hai. Phone ke rear aur front donon panel par Corning Gorilla Glass 3 ki protection di gayi hai. Yeh phone Qaulcomm Snapdragon 660 processor ke saath aata hai, isi ke saath aapko ismein 3500mAh ki battery milti hai. Phone ke rear panel par 48MP ka primary camera, 5MP ka depth sensing camera aur 8MP ka wide angle camera diya gaya hai. Front facing camera aapko 20MP ka milta hai. Expect kiya jaa raha hai ki Nokia 7.2 ko India mein Rs 20,000 ki price ke lagbhag launch kiya jaa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: