Choose Any Handset in Same Price Range; Top 5 Alternatives Of Vivo V11 Pro

Vivo ka kal India mein launch hua Vivo V11 Pro ek mid-range smartphone hai, jiski kimat 25,990 INR hai. Ismein aapko waterdrop notch ke saath 6.41 inch ki full HD+ display, Snapdragon 660 chipset, 12 MP dual PD + 5 MP dual rear cameras, 25 MP front camera aur 3400mah ki battery milti hai. Saath hi ismein in-display fingerprint scanner, dual 4G VoLTE support aur fast charging support bhi diya gaya hai. Lekin is same price range mein aur bhi kuch achhe smartphones available hain, jinhein aap consider kar sakte hain.

Nokia 7 Plus

April 2018 mein launch hua Nokia 7 Plus, is budget range ka achha smartphone hai. Iski khaas baat ye hai ki ye aapko stock Android ke saath milta hai. Nokia 7 Plus ka price 25,999 INR hai. Is Android One smartphone mein aapko 6 inch ki full HD+ display, Corning Gorilla Glass protection ke saath milti hai. Saath hi Snapdragon 660 processor, 4GB RAM, 64GB inbuilt memory, 12 + 13 MP rear cameras, 16 MP front camera aur 3800mAh ki battery fast charging ke saath di gayi hai.

Nokia 7 Plus aapko mazboot build quality ke saath milta hai, iska processor bhi achha hai. Iske alawa ismein aapko battery life se bhi shikayat nahin hogi. Halaanki ismein Zeiss optics ke saath camera diye gaye hain, lekin camera performance jyada achhi nahin hai.

Oppo F9 Pro

Vivo ki competitor Oppo ne bhi isi price range mein, Oppo F9 Pro ko last month India mein launch kiya tha. F9 Pro ki kimat 23,990 INR hai aur ye online aur offline retailers ke through all over India mein available hai. Ismein aapko 6.3 inch ki FHD+ display, MediaTek Helio P60 12nm chipset aur 6GB ki RAM jaise features milte hain. Is dual SIM smartphone mein 64GB ki storage + dedicated microSD card slot moujood hai. F9 Pro mein 16 + 2 MP ka dual rear camera setup aur 25 MP ka frontal shooter diya gaya hai. Ismein aapko 3500mAh ki battery, VOOC flash charge support ke saath milti hai.

Oppo F9 Pro mein display quality kaafi achhi hai, saath hi battery life achhi hai aur saath hi amazing fast charging bhi hai. Iske software ke saath bhi aapko kayi achhe features milte hain. Lekin wahin iske cameras kuch khaas nahin hai.

ASUS Zenfone 5Z

Zenfone 5Z bhi aapko isi price range mein milta hai. Iska base variant 6GB RAM+64GB ROM version ki kimat 29,999 INR hai. Iski sabse achhi baat ye hai ki ye flagship chipset Snapdragon 845 par chalta hai. Iske alawa ismein 6.2 inch ki FHD+ display, 12 + 8 MP rear camera, 8 MP front camera aur 3300mAh ki battery ASUS BoostMaster fast charging aur AI charging support ke saath milti.

Zenfone 5Z mein aapko behtareen build quality, achhi camera performance aur useful software features milte hain. Halaanki is smartphone mein koi khaas kami nahin hai, lekin is price range mein agar ye water resistant hota, to aur achha hota.

Poco F1

Xiaomi ka haal hi mein launch hua ye smartphone, cheapest flagship handset hai jismein aapko Snapdragon 845 chipset milta hai. Vivo V11 Pro ka ye ek achha alternative hai aur kewal 23,999 INR mein aap iska 6GB+128GB version kharid sakte hain. Ismein FHD+ display, 12+ 5 MP rear cameras aur 4000mAh ki battery, Quick Charge 3.0 support ke saath di gayi hai.

Basically ye plastic body ke saath aata hai, lekin ek well built aur lightweight smartphone hai, powerful performance deta hai aur battery life kaafi achhi hai. Wahin iski low-light camera performance mein aapko thodi kami lagegi.

Samsung A8 Plus

Samsung ke A8 Plus ka price is samay 29,990 INR hai, jise aap Amazon se kharid sakte hain. Ismein 6 inch ki FHD+ Super AMOLED display, Octa Core Exynos 7885 chipset, 6GB+64GB storage, 16MP rear camera, 16+8 MP front cameras aur 3500mAh ki battery fast charging ke saath moujood hai. Saath hi ye dual SIM support aur fingerprint scanner ke saath aata hai.

Agar aap branded smartphone ki talaash mein hai, to ye achha handset hai. Saath hi ismmein high-quality display aur achhi battery life hai. Wahin iska face recognition jyada achha response nahin karta aur camera performance bhi average hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: