China Telecom Ki Official Website Par Reveal Huye Redmi 8 Ke Sabhi Specs, Jaldi Ho Sakta Hai Launch

Kuch samay pehle hi Redmi 8 TENNA listing par dekha gaya tha. TENNA listing mein phone ka model number M1908C3IC bataya gaya thaSame reports mein phone ka rear aur front panel bhi clear dikhai de raha tha. Haal hi mein iss phone ko Ministry of Industry and Information Technology (MIIT) ki website par spot kiya gaya hai. Jahaan almost same specs dekhne ko mile hain. Reports mein phone ke lagbhag sabhi specs ko reveal kiya gaya hai.

Carrier aur MIIT reports mein batayi gayi details ki according phone mein 6.2 inch ki HD+ display dekhne ko mil sakti hai. Iske alawa phone mein 4GB RAM aur 64GB ki internal storage di jaa sakti hai. Jaisa ki images mein dikhai de raha hai ki phone ke rear panel par dual camera setup diya gaya hai, MIIT reports ki according yeh camera 12MP+2MP ka hoga. Saath hi phone mein diya gaya front camera 8MP sensor ke saath offer kiya jaa sakta hai. Company iss phone ko Red, Green, Blue aur Black color mein launch kar sakti hai.

Isi ke sath phone mein company 5000mAh ki  badi battery de sakti hai. Itna hi nahi, charging ke liye aapko iss phone mein USB Type-C port offer kiya jaa sakta hai. Iss se expect kiya jaa raha hai ki phone mein fast charging ka support dekhne ko mil sakta hai. Saath hi images se clear hai ki Redmi 8 mein humein 3.5mm headphone jack bhi dekhne ko mil sakta hai. Inn sabhi details ke alawa phone ke rear panel par physical finger print scanner clearly visible hai.

Rumors ki maane to company iss phone ko CNY 1600 ki price tag ke sath launch kar sakti hai. Yeh price iss phone ke predecessor ki according kaafi jyada lag rahi hai, kyun ki Redmi 7 ko company ne CNY 900 ki price ke sath launch kiya tha. Well, inn rumors aur leaks ke saath expect kiya jaa raha hai ki yeh phone jaldi hi Chinese aur Indian market mein launch kiya jaa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: