China Mein Launch Hua Vivo Z3i, Vivo V11 Ka Rebranded Version

Vivo ne China mein ek naya smartphone launch kiya hai, Vivo Z3i .Vivo Z3i ko China mein launch ho chuke Vivo Z1i ka successor phone bataya jaa raha hai. Wahi iss phone ke specification kafi had tak India mein launch ho chuke Vivo V11 se bhi match karte hain. Yeh phone globally launch nahi kya gaya hai. Aaiye phone ki specifications, price par ek nazar daalte hai.

Design wise yeh phone almost Vivo V11 ki tarah hi dikhta hai. Phone ki display bezel-less di gayi hai. Display mein aapko water drop notch dekhne ko milati hai. Vivo Z3i ko 6.3 inch ki full HD+ Super AMOLED display ke sath launch kiya gaya hai. Screen ka aspect ratio 19:9 hai. Phone ke OS ki baat ki jaaye to iss phone mein Android 8.1 Oreo based Funtouch OS milta hai.

 

Vivo Z3i mein aapko Octa-core Mediatek Helio P60 processor milta hai. Phone ko single storage variant mein launch kiya gaya hai jismein aapko 6GB RAM ke sath 128GB ROM ka option milega. Storage ko upgrade karne ke liye iss phone mein microSD card ka slot diya gaya hai jiski help se aap storage ko 256GB tak expand kar sakte hain. Vivo Z3i ki battery 3,315mAh ki di gayi hai.

 

Phone ke optics ki baat ki jaaye to Vivo Z3i mein dual rear camera setup 16MP +2Mp ka milta hai. Wahi front camera 24MP ka diya gaya hai. Phone ke rear panel par hi aapko finger print sensor bhi diya gaya hai. Iske alawa iss phone mein proximity sensor, gyro sensor, ambient light sensor aur face unlock feature bhi diye gaye hain.

 

Connectivity ki baat ki jaaye to yeh phone dual sim support karta hai jismein aapko 4G VoLTE ka support milega. Iske alawa phone mein bluetooth, GPS, Wi-Fi connectivity bhi milti hai.

 

Vivo Z3i ko 2 color variants mein launch kiya gaya hai jismein aapko aurora blue aur millennium powder color ka option milta hai. Iss phone ki Chinese market mein Price CNY 2,398 (Rs 25,600 Approx) batayi gayi hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: